හලාවත, සිංහපුර ප්රදේශයේ නිවසක ඊයේ (19) රාත්රියේ ගින්නක් හටගෙන තිබුණා.
ගින්න හටගත් නිවස තුළ තිබී අඹුසැමි යුවළක් සහ ඔවුන්ගේ දියණියගේ සිරුරු සොයාගත් බවයි පොලිසිය සඳහන් කළේ.
මෙහිදී සොයාගත් කාන්තාවගේ මළ සිරුරේ ගෙළ සම්පූර්ණයෙන්ම කපා ඉවත්කර තිබූ බවයි අප වාර්තාකරු සඳහන් කළේ.
මියගොස් ඇති පිරිමි පුද්ගලයා හලාවත ප්රදේශයේ ඉඩම් අලෙවි කිරීමේ ව්යාපාරයන නිරතව සිටි අයෙක් වන බවත්, කාන්තාව හලාවත ප්රාදේශීය ලේකම් කාර්යාලයේ සංවර්ධන නිලධාරිනියක් ලෙස සේවය කළ තැනැත්තියක් බවයි තොරතුරු අනාවරණය වී ඇත්තේ.
මියගොස් ඇති වයස අවුරුදු 15ක දියණිය හලාවත ආනන්ද ජාතික පාසලේ ඉගෙනුම ලැබූ බවයි තොරතුරු වාර්තා වුණේ.
නිවස තුළින් ගින්නක් හටගෙන ඇති බවට දැනගත් පසු එම ගින්න නිවීමට ගිය අවස්ථාවේ නිවස තුළ තිබී මෙම මළ සිරුරු හමුවී තිබෙනවා.
මෙය පුද්ගල ඝාතනයක් ද, සියදිවි හානිකර ගැනීමක් ද නැත්නම් වෙනත් හේතුවක් මත සිදූ වූ මරණ ද යන්න පිළිබඳව වැඩිදුර විමර්ශන ක්රියාත්මකයි.
