Rajapura Handi Oil
Rajapura Diabetic Powder

Update – නාවික හමුදාව ඇල්ලූ ධීවර යාත්‍රාවේ හෙරොයින් හා අයිස් අඩංගු පාර්සල් 278ක් (ඡායාරූප සහ වීඩියෝ)

ශ්‍රී ලංකා නාවික හමුදාව සහ පොලිස් මත්ද්‍රව්‍ය නාශක කාර්යංශය එක්ව අත්අඩංගුවට ගනු ලැබූ බහුදින ධීවර යාත්‍රාවේ තිබී හෙරොයින් සහ අයිස් මත්ද්‍රව්‍ය අඩංගු පාර්සල් 278ක් සොයාගෙන තිබෙනවා.

මෙම එක් පාර්සලයක බර කිලෝ එකයි ග්‍රෑම් එකයි ග්‍රෑම් 375ක් පමණ වන බවයි අප වාර්තාකරු සදහන් කළේ.

ඉන් පාර්සල් 250ක අයිස් මත්ද්‍රව්‍ය ද අනෙක් පාර්සල් 28 තුළ හෙරොයින් මත්ද්‍රව්‍ය ද අසුරා ඇති බවයි වාර්තා වුණේ.

මෙම මත්ද්‍රව්‍ය තොගය ප්‍රවාහනය කළ බහුදින ධීවර යාත්‍රාවේ සිටි සැකකරුවන් 06 දෙනෙක් ද අත්අඩංගුවට ගෙන තිබුණා.

නාවික හමුදාව සහ පොලිස් මත්ද්‍රව්‍ය නාශක කාර්යංශය එක්ව ශ්‍රී ලංකාවට දකුණෙන් වූ ගැඹුරු මුහුදේ දී මෙම යාත්‍රාව අත්අඩංගුවට ගෙන ඇති බවයි වාර්තා වුණේ.

එලෙස අත්අඩංගුවට ගැනුණු යාත්‍රාව අද (05) පෙරවරුවේ ගාල්ල වරාය වෙත රැගෙන ආවා.

මෙම මත්ද්‍රව්‍ය තොගය සහ යාත්‍රාව නිරීක්ෂණය සඳහා නාවික හමුදාපති වයිස් අද්මිරාල් ප්‍රියන්ත පෙරේරා ද එක්ව සිටියා.

මේ සම්බන්ධයෙන් ඉදිරි විමර්ශන කටයුතු ශ්‍රී ලංකා නාවික හමුදාව හා පොලිස් මත්ද්‍රව්‍ය නාශක කාර්යංශය එක්ව සිදුකෙරෙනවා.

WhatsApp Image 2024 01 05 at 8.54.36 AM
WhatsApp Image 2024 01 05 at 8.54.35 AM 1
WhatsApp Image 2024 01 05 at 8.54.37 AM
WhatsApp Image 2024 01 05 at 8.54.36 AM 1
fishing cruise
WhatsApp Image 2024 01 05 at 8.54.35 AM