පුද්ගලයින් 08 දෙනෙක් ගමන් ගත් වෑන් රථයක්, දක්ෂිණ අධිවේගී මාර්ගයේ ගැලනිගම හා කහතුඩුව අන්තර් හුවමාරු ස්ථාන අතර 9.6 ආර් ප්රදේශයේදී අධි ශීතකරණ සහිත ලොරි රථයක ගැටීමෙන් අද (16) අලුයම් කාලයේ අනතුර සිදුව තිබුණා.
මෙම අනතුරින් 32 හැවිරිදි අවිවාහක තරුණියක් ජීවිතක්ෂයට පත්ව තවත් 07 දෙනෙකු තුවාල ලබා රෝහල් ගත කෙරුණා.
තුවාල ලැබූවන්ගෙන් සිව්දෙනෙක් හෝමාගම රෝහලේ ප්රතිකාර ලබන අතර, ඉන් එක් කාන්තාවක් එම රෝහලේ දැඩිසත්කාර ඒකකයේ ප්රතිකාර ලබන බවයි මොරගහහේන පොලිසිය සඳහන් කළේ.
තුවාල ලැබූ අනෙක් තිදෙනා කුඩා ළමුන්වන අතර, ඔවුන් තිදෙනාම කළුබෝවිල රෝහලේ මේ වනවිට ප්රතිකාර ලබනවා.
වයස අවුරුදු 13, 11 සහ 07 යන වයස්වල පසුවන් ළමුන් තිදෙනෙක් මෙලෙස තුවාල ලබා ඇති බවයි පොලිසිය වැඩිදුරටත් සඳහන් කළේ.
මෙලෙස අනතුර ලක්ව ඇත්තේ වූ නෙළුව, තවලම ප්රදේශයේ පදිංචිව සිටි පිරිසක් බවයි වාර්තා වන්නේ.
මේ වනවිට හෝමාගම රෝහලේ දැඩිසත්කාර ඒකකයේ ප්රතිකාර ලබන කාන්තාව විවාහ වීමට සිටින තරුණයා විදෙස් ගතව සිට මෙරට පැමිණීම නිමිත්තෙන් ඔහුව රැගෙන ඒම සඳහා කටුනායක ගුවන්තොටුපොළ වෙත යමින් සිටිය දී මොවුන් පිරිස මෙම අනතුරට මුහුණ පා තිබෙනවා.
අනතුරින් ජීවිතක්ෂය පත් වූ තරුණිය වෑන් රථයේ ඉදිරිපස වම් පස අසුනේ ගමන් කර ඇති අතර, එළෙඹෙන දෙසැම්බරයේ
ඇය විවාහවීමට සිටි තරුණයා වෑන් රථයේ රියදුරු ලෙස කටයුතු කර ඇති බවයි තොරතුරු වාර්තා වන්නේ.
මෙම අනතුරින් වෑන් රථයට දැඩි ලෙස හානි සිදුව ඇති අතර, ලොරි රථයේ පිටුපස දකුණු පස සුළු හානි සිදුව ඇති බවයි පොලිසිය සඳහන් කළේ.
අනතුර සම්බන්ධයෙන් ලොරි රථයේ රියදුරු මොරගහහේන පොලිසිය විසින් අත්අඩංගුවට ගෙන ඇති අතර, ඔහු අද (16) දින හොරණ මහේස්ත්රාත් අධිකරණයට ඉදිරිපත් කරන බවයි එම පොලිස් ස්ථානයේ උසස් නිලධාරියෙක් සඳහන් කළේ.
වෑන් රථය පැදවූ රියදුරුට නින්ද යාම හේතුවෙන් මෙම අනතුර සිදුවන්නට ඇති බවයි පොලිසිය සැකපළ කරන්නේ.
මේව කාටත් හොද පාඩම්.
වෑන් හරියට බිත්තර කටු වගේ.
ඇන්ජිම්ති තියෙන්නේ ආසන දෙක මැද ටිකක් පස්සට වෙන්නනේ. ඉතිං හැපුනොත් චැසිය කඩාගන යනවා..ඉදිරි ආසනය මාරම භ්යානකයි