හිටපු පාර්ලිමේන්තු මන්ත්‍රී දුමින්ද දිසානායක මහතා යළිත් රක්ෂිත බන්ධනාගාරගත කර තිබෙනවා.
අද (29) පෙරවරුවේ ගල්කිස්ස මහේස්ත්‍රාත් අධිකරණය හමුවට පමුණුවනු ලැබූ අවස්ථාවේ දී අධිකරණ විනිසුරුවරයා නියෝග කළේ ජූනි මස 05 වැනි දින තෙක් විත්තිකරුව රක්ෂිත බන්ධනාගාරගත කරන ලෙසයි.
බන්ධනාගාර නිලධාරීන්ගේ දැඩි ආරක්ෂාව මධ්‍යයේ හිටපු මන්ත්‍රීවරයා ව අධිකරණ සංකීර්ණයට මාංචු දමා රැගෙන ආ බවයි දසත ප්‍රාදේශීය වාර්තාකරු පැවසුවේ.
පසුගියදා හැව්ලොක්ස් සිටි සුපිරි මහල් සංකීර්ණයේ කාන්තාවක් සමග ටී56 රන් ආලේපිත ගිනි අවියක් වැල්ලවත්ත පොලිසිය විසින් අත්අඩංගුවට ගනු ලැබුවා.
පසුව සිදු කළ දීර්ඝ විමර්ශනවලින් අනතුරුව හෙළි වූයේ මෙම ගිනි අවියෙහි හිමිකරු හිටපු මන්ත්‍රී දුමින්ද දිසානායක බවයි.
ඊයේ (28) දිනයේ දී දුමින්ද දිසානායක මහතා ව බන්ධනාගාර රෝහලේ සිට විශේෂඥ වෛද්‍යවරයෙකුගේ වෛද්‍ය පරීක්ෂාවෙන් පසුව බරපතළ තත්ත්වයේ කිසිදු අසනීපයක් නොමැති බව දැන්වූ පසු සැකකාර මන්ත්‍රීවරයා ව යළිත් මැගසින් බන්ධනාගාරයට මාරු කළා.
