බදු පරිපාලන කටයුතු කාර්යක්ෂම කිරීම සඳහා දේශීය ආදායම් දෙපාර්තමේන්තුවට හඳුන්වාදී තිබෙන රැම්ස් ඩිජිටල් පද්ධතිය නිසියාකාරව ක්රියාත්මක නොවීම හේතුවෙන් ටින් අංකය අනිවාර්ය කිරීමට නොහැකි තත්ත්වයක් මතුව තිබෙනවා.
රැමිස් පද්ධතියේ පවතින ගැටලු නිසා ටින් අංකය ඉල්ලුම් කරන ලද ලක්ෂයකට අධික පිරිසකට එම අංකය නිකුත් කිරීමටද නොහැකි තත්ත්වයක් උද්ගතව ඇතැයි දේශීය ආදායම් දෙපාර්තමේන්තුවේ සහ මුදල් අමාත්යාංශයේ ආරංචි මාර්ග සඳහන් කරනවා.
ආදායාම් පරිපාලන කළමණාකරණ තොරතුරු පද්ධතිය හෙවත් රැමිස් පද්ධතියේ ගැටලු මතුවීම නිසා තාවකාලික වැට් සහතික නිකුත් කිරීම නතර කිරීමට මුදල් අමාත්යාංශය තීරණය කළා.
සිංගප්පූරු සමාගමක් සමඟ එක්ව මෙම රැමිස් පද්ධතිය සකස් කිරීමට රජය රුපියල් බිලියන 16ක පමණ මුදලක් වැය කර ඇතැයිද අනාවරණවනවා.
රැමිස් පද්ධතියේ දුර්වලතා පවතින බවට කෝප් කමිටුවේදීද අවධානයට ලක්වුණා.
මීට අමතරව මෙම රැමිස් පද්ධතිය නඩත්තු කිරීමට දේශීය ආදායම් දෙපාර්තමේන්තුවෙන් දිරි දීමනද ගෙවමින් වෙනම කාර්ය මණ්ලයක් පවත්වාගෙන ගොස් තිබෙනවා.
කෙසේ වෙතත් මෙම රැමිස් පද්ධතිය හරියාකාරව ක්රියාත්මක නොවීම හේතුවෙන් පෙබරවාරි මස පළමුවැනිදා සිට බදු ගෙවන්නන් හදුනා ගැනීමේ අංකය හෙවත් ටින් අංකය අනිවාර්ය කිරීමට නියමිත වුවද එය මේ වන විට අප්රේල් මස පළමුවැනිදා දක්වා කල් දමා තිබෙනවා.
කෙසේ වෙතත් රැමිස් පද්ධතිය කඩිනමින් යථාවත් කිරීමට බලාපොරොත්තු වන බවයි මුදල් රාජ්ය අමාත්ය රංජිත් සියඹලාපිටිය මහතා පසුගියදා සඳහන් කළේ.
