2024 වසරේදී පැවැත්වෙන පන්දුවාර 20 ලෝක කුසලාන තරගාවලියේ තරග පැවැත්වෙන ක්රීඩාංගණ තුනක් ජාත්යන්තර ක්රිකට් කවුන්සිලය විසින් ප්රකාශයට පත්කර තිබෙනවා.
ඒ අනුව ඇමරිකා එක්සත් ජනපදය විසින් පළමු වරට T20 ලෝක කුසලානය සඳහා සත්කාරකත්වය ලබා දීමට සූදානම් වන අතර, Dallas හි Grand Prairie, ෆ්ලොරිඩාහි Broward County සහ නිව්යෝක් ප්රාන්තයේ Nassau County යන නගර තරග පැවැත්වෙන ක්රීඩාංගන ලෙසටයි තෝරාගෙන ඇත්තේ.
2021 වසරේ නොවැම්බර් මාසයේදී ICCය විසින් ඇමරිකා එක්සත් ජනපදය සහ බටහිර ඉන්දීය කොදෙව්වන් ගෝලීය තරඟාවලියේ සම-සත්කාරකයන් ලෙස තෝරා ගනු ලැබුවා.
විකල්ප කිහිපයක් පිළිබඳ පුළුල් ඇගයීමකින් පසුවයි ඇමරිකාවේ මෙම ස්ථාන තෝරා ගෙන ඇත්තේ.
තරඟ සඳහා පහසුකම් වැඩි කිරීමට මොඩියුලර් ක්රීඩාංගන (Modular stadium) යොදාගනු ලබනවා.
නිව් යෝර්ක් හි නසාවු ප්රාන්තයේ අයිසන්හවර් උද්යානයේ ආසන 34,000 කින් යුත් මොඩියුලර් ක්රීඩාංගනයක් ඉදිකිරීම සඳහා එකඟතාවයකට පැමිණ තිබෙනවා.
ICC ප්රධාන විධායක ජෙෆ් ඇලර්ඩිස් සඳහන් කර ඇත්තේ මෙතෙක් පැවැත්වෙන විශාලතම T20 ලෝක කුසලානය සඳහා ස්ථාන ප්රකාශයට පත් කිරීම සම්බන්ධයෙන් සතුටට පත් වන බවයි.
“කණ්ඩායම් 20ක් තරඟ වදින, මෙතෙක් පැවැත්වෙන විශාලතම ICC පිරිමි T20 ලෝක කුසලානයේ කොටසකට සත්කාරකත්වය සපයන ඇමරිකාවේ ක්රීඩාංගණ තුන නිවේදනය කිරීමට ලැබීම ගැන අපි සතුටු වෙනවා. ඇමරිකා එක්සත් ජනපදය උපාය මාර්ගික වශයෙන් වැදගත් වෙළඳපොලක් වන අතර ලෝකයේ විශාලතම ක්රීඩා වෙළඳපොලේ ප්රකාශයක් කිරීමට මෙම ස්ථාන අපට කදිම අවස්ථාවක් ලබා දෙයි. ක්රිකට් ක්රීඩාවේ දැවැන්ත රසික පිරිසක් සහ විවිධ ප්රජාවන් එක්සත් කිරීමේ හැකියාව පිළිබඳ දැනුවත්භාවය ඇමරිකා එක්සත් ජනපදය තුළ වර්ධනය වෙමින් පවතිනවා. මීට පෙර ICC ගෝලීය ඉසව්වකට සත්කාරකත්වය නොදැක්වූ ස්ථානයක මොඩියුලර් ක්රීඩාංගණ තාක්ෂණය යොදාගනිමින් ලෝක මට්ටමේ ක්රිකට් ක්රීඩා කිරීමට අවස්ථාව ලැබීම ගැන අපි ඉතා සතුටට පත්වෙනවා. ඇමරිකා එක්සත් ජනපදයේ ක්රිකට් ලෝලීන්ට ලොව හොඳම දේ ඔවුන්ගේ දොරකඩින් නැරඹීමට අවස්ථාව ලබා දෙනවා.
පූර්ව තරග සහ පුහුණුවීම් සඳහා තවත් ස්ථාන කිහිපයක් හඳුනාගෙන තිබෙනවා.
2024 T20 ලෝක කුසලානය ඇමරිකා එක්සත් ජනපදය සහ බටහිර ඉන්දීය කොදෙව් දූපත්වල සත්කාරකත්වයෙන් යුතුව ලබන වසරේ ජුනි 04 වැනිදා සිට 30 වැනිදා තෙක් පැවැත්වීමට නියමිතයි.
