කොතලාවල වෛද්ය පීඨයට දේශීය සිසුන් ඇතුළත් කිරීම නතර කිරීම සම්බන්ධයෙන් වන පැමිණිල්ලක් ශ්රී ලංකා මානව හිමිකම් කොමිෂන් සභාව වෙත ලැබී තිබෙනවා.
එම විශ්වවිද්යාලයේ වෛද්ය උපාධි පාඨමාලාව සඳහා ඇතුළත් වීමට බලාපොරොත්තුවෙන් සිටින නවක සිසුන්ගේ දෙමාපියන්, ඉගෙනුම ලබමින් සිටින දරුවන්ගේ දෙමාපියන් සහ රජයේ එම තීන්දුවට එරෙහි පිරිසක් විසින් ඊයේ (29) පස්වරුවේ මෙම පැමිණිල්ල මානව හිමිකම් කොමිසම වෙත සිදු කර ඇති බවයි දසත ප්රවෘත්ති අංශය සිදු කළ සොයා බැලීමක දී අනාවරණය වූයේ.
මෙම සිදුවීම සම්බන්ධයෙන් අදහස් පළ කරමින් හිටපු අධ්යාපන අමාත්යවරයෙකු වන අකිල විරාජ් කාරියවසම් මහතා ප්රශ්න කර සිටියේ, මෙම තීන්දුව අධ්යාපන අමාත්යවරිය ලෙස කටයුතු කරන අග්රාමාත්ය ආචාර්යය හරිනි අමරසූරිය විසින් ගනු ලැබුවේ කුමන පදනමක් මත ද යන වගයි.
කොතලාවල විශ්වවිද්යාලයේ වෛද්ය පීඨයට සිසුන් ඇතුළත් කරගැනීම නතර කර දැමුවේ කිසියම් විශේෂඥ කමිටුවක බලපෑමක් මත දැයි ද හිටපු අධ්යාපන අමාත්යවරයා අගමැතිනියගෙන් ප්රශ්න කර සිටිනවා.
මෙරට තුළ ඇති රජයේ විශ්වවිද්යාලවලට සෑම දරුවෙකුට ම ඇතුළත් වීමට නොහැකි නිසා, බොහෝ දෙමාපියන් තම දේපොළ හෝ විකුණා පෞද්ගලික විශ්වවිද්යාලයකට හෝ ඇතුළත් කර දරුවන්ට ඉගැන්වීමේ ප්රයත්නය මෙලෙස වත්මන් රජය විසින් වළක්වා දැමීම නුසුදුසු බවයි අකිල විරාජ් කාරියවසම් මහතා වැඩිදුරටත් අවධාරණය කරන්නේ.
අහිංසක ළමයි බලාගෙන ඉන්නේ ලංකාවේ university එකට යන්න.ඒක නැති කරනවා කියන්නේ?????
Absolutely true.🙏🙏
This is one of the foolish decisions takan by this government .