ලංකා අයි.ඕ.සී සහ සයිනොපෙක් යන සමාගම් ද සිය ඉන්ධන මිල ගණන් ඊයේ (30) මධ්යම රාත්රියේ සිට ක්රියාත්මක වන පරිදි, ඛනිජ තෙල් සංස්ථාව මිල ඉහළ දැමූ අගයන්ගෙන්ම මිල ඉහළ දැමීමට කටයුතු කර තිබෙනවා.
මෙහිදී සයිනොපෙක් සමාගම සුපර් ඩීසල් මිලේ පමණක් මිල සංශෝධනයක් සිදුකර නොමැති වීම විශේෂත්වයක්.
සයිනොපෙක් සමාගම සුපර් ඩීසල් ලීටරයක් මේ වනවිට අලෙවි කරන්නේ රුපියල් 600ක මිලකටයි.
මේ අතර ඊයේ (30) මධ්යම රාත්රියේ සිට සියලු ඉන්ධන වර්ගවල මිල ගණන් ඉහළ දැමීමට තීරණය කළ බව ලංකා ඛනිජ තෙල් සංස්ථාව නිවේදනය කරා.
මෙහිදී ඔක්ටේන් 92 වර්ගයේ පෙට්රල් ලීටරයක මිල රුපියල් 24කින් ඉහළ දැමු අතර, එහි නව මිල රුපියල් 434ක් ලෙස දැක්වෙනවා.
එමෙන්ම රුපියල් 470ක්ව පැවති ඔක්ටේන් 95 වර්ගයේ පෙට්රල් ලීටරයක මිල රුපියල් 25කින් ඉහළ දැමීමට කටයුතු කළ අතර, ඒ අනුව එම වර්ගයේ ඉන්ධන ලීටරයක නව මිල වන්නේ රුපියල් 495ක්.
ඊයේ සිදුකළ මිල සංශෝධනය දී සුදු ඩීසල් ලීටරයක මිල ද රුපියල් 15කින් ඉහළ දැමූ අතර, සුදු ඩීසල් ලීටරයක නව මිල වන්නේ රුපියල් 407ක්.
රුපියල් 458ක්ව පැවති සුපිරි ඩීසල් ලීටරයක මිල ද රුපියල් 20කින් ඉහළ දැමීමට පියවර ගැනුණු අතර, එහි නව මිල රුපියල් 478ක් ලෙස මේ වනවිට දැක්වෙනවා.
එමෙන්ම භූමිතෙල් ලීටරයක මිල ද රුපියල් 20කින් ඉහළ දැමූ අතර, භූමිතෙල් ලීටරයක නව මිල වන්නේ රුපියල් 285ක්.
භූමිතෙල් ලීටරයක් පැවතියේ රුපියල් 265ක මිලකටයි.
