ජාත්‍යන්තර මූල්‍ය අරමුදල මඟින් මෙරටට ලබාදෙන තුන්වන ණය වාරිකය සඳහා කාර්ය මණ්ඩල එකඟතාවයකට එළඹ ඇති බව එම අරමුදල පවසනවා.
අද (23) පෙරවරුවේ ශ්‍රී ලංකා මහ බැංකුවේ පැවති විශේෂ ප්‍රවෘත්ති සාකච්ඡාවකට එක්වෙමින් ජාත්‍යන්තර මූල්‍ය අරමුදල වෙනුවෙන් ජ්‍යෙෂ්ඨ දූත මණ්ඩල ප්‍රධානී පීටර් බෲවර් මේ බව සඳහන් කළා.
මේ වනවිට ශ්‍රී ලංකාව ගෙන ඇති ප්‍රතිසංස්කරණ ක්‍රියාවලිය සම්බන්ධයෙන් සතුටුදායි තත්ත්වයක් පවතින බවයි ඔහු වැඩිදුරටත් පැවසුවේ.
ඒ, අනුව මෙම වසරේ මුල් කාර්තුව සහ දෙවන කාර්තුව සඳහා වූ මූලික ඉලක්ක සපුරාගැනීම සම්බන්ධයෙන් සෑහීමකට පත්වන බවයි ඔහු මෙහිදී සඳහන් කළේ.
ශ්‍රී ලංකාව තම ඉලක්ක සපුරාගනිමින් ඉදිරියට ගමන්කරනු ඇති බවට ජාත්‍යන්තර මූල්‍ය අරමුදල අපේක්ෂා කරන බවයි ජ්‍යෙෂ්ඨ දූත මණ්ඩල ප්‍රධානී පීටර් බෲවර් මෙම මාධ්‍ය හමුවේ දී පවසා සිටියේ.
ඔබේ ප්‍රතිචාරය කුමක්ද ?
+1
1
+1
+1
+1
+1
+1
+1
