ඉන්දීය අග්රාමාත්ය නරේන්ද්ර මෝදි එළඹෙන ජූනි 13 වනදා සිට 18 වනදා දක්වා ප්රංශයේ සහ ස්ලොවැකියාවේ (Slovakia) විශේෂ නිල සංචාරයක නිරත වීමට නියමිත බව ඉන්දීය විදේශ කටයුතු අමාත්යාංශය නිවේදනය කර තිබෙනවා.
දින හයක මෙම රාජ්ය තාන්ත්රික සංචාරය යුරෝපා කලාපය සමඟ පවතින සබඳතා සහ තාක්ෂණික සහයෝගීතාව ඉහළ නැංවීමේ තීරණාත්මක පියවරක් ලෙස සැලකෙනවා.
අග්රාමාත්යවරයා සිය සංචාරය ප්රංශයේ නීස් (Nice) නගරයෙන් ආරම්භ කිරීමට නියමිත අතර, එහිදී ජූනි 14 වනදා ප්රංශ ජනාධිපති එමානුවෙල් මැක්රෝන් (Emmanuel Macron) හමු වී ද්විපාර්ශ්වික සාකච්ඡා පවත්වනවා.
අනතුරුව ජූනි 14 සිට 16 දක්වා ඔහු ස්ලොවැකියාවේ ඓතිහාසික සංචාරයක නිරත වනවා.
මෙය 1993 වසරේදී ස්ලොවැකියාව නිදහස ලැබීමෙන් පසු ඉන්දීය අග්රාමාත්යවරයෙකු එහි සිදුකරන ප්රථම නිල සංචාරය වීම විශේෂත්වයක.
එහිදී ඔහු ස්ලොවැකියානු අග්රාමාත්ය රොබට් ෆිකෝ (Robert Fico) සමඟ වෙළෙඳ, ආයෝජන සහ මෝටර් රථ නිෂ්පාදන ක්ෂේත්රවල සහයෝගීතාව පුළුල් කිරීම පිළිබඳව සාකච්ඡා කිරීමට නියමිතයි.
මෙම සංචාරයේ තවත් වැදගත් අදියරක් ලෙස, අග්රාමාත්ය මෝදි ජූනි 16 සහ 17 යන දිනවල ප්රංශයේ එවියෑන් (Evian) හි පැවැත්වෙන G7 රාජ්ය නායක සමුළුව සඳහා විශේෂ ආරාධිතයෙකු ලෙස සහභාගී වනවා.
එහිදී ලෝක නායකයන් විශේෂයෙන්ම ඇමෙරිකානු ජනාධිපති ඩොනල්ඩ් ට්රම්ප් ඇතුළු පිරිසක් සමඟ ද්විපාර්ශ්වික සාකච්ඡා පැවැත්වීමට ද සැලසුම් කර තිබෙනවා.
සංචාරයේ අවසන් දිනය වන ජූනි 18 වනදා පැරිස් නුවරදී යුරෝපයේ විශාලතම තාක්ෂණික සහ ස්ටාර්ටප් (Startup) සමුළුව වන ‘VivaTech’ වෙනුවෙන් සහභාගී වී, ප්රංශයේ වෙසෙන ඉන්දීය ප්රජාව ඇමතීමෙන් අනතුරුව අග්රාමාත්යවරයා පෙරළා ඉන්දියාව බලා පැමිණීමට නියමිතයි.
