ඉල්ලා අස්වීමට සූදානම් බව අගමැති කියයි (විඩියෝ)

තමන් සහ කැබිනට් මණ්ඩලය ඉල්ලා අස්වීමට සූදානම් බව අග්‍රාමාත්‍ය රනිල් වික්‍රමසිංහ අද (05) පාර්ලිමේන්තුවේ දී ප්‍රකාශ කළා.

ජනතා විමුක්ති පෙරමුණේ නායක අනුර කුමාර දිසානායක පැවසූ මාස 06ක් තුළ රට ගොඩනගන වැඩපිළිවෙල ජනධිපතිවරයා වෙත ඉදිරිපත් කරන ලෙස ද අග්‍රාමාත්‍යවරයා මෙහිදී සඳහන් කළා.

ඒ අනුව අනුර කුමාර දිසානායකගේ සැලසුම සාර්ථක නම් තමන් සිය අග්‍රාමාත්‍ය ධුරයෙන් ඉල්ලා අස්වීමට සූදානම් බවයි අගමැතිවරයා ප්‍රකාශ කර සිටියේ.

ඒ සමඟ පාර්ලිමේන්තුවේ ඇති වූ උණුසුම් තත්ත්වය හේතුවෙන් සභාව විනාඩි 10කට කල් තැබීමටයි කතානායකවරයා තීරණය කළේ.

මේ අතර විපක්ෂයේ මන්ත්‍රීවරුන් විසින් අද සභාවාරයට සහභාගී වූ ජනාධිපතිවරයාට ගෙදර යන ලෙස (ගෝඨා ගෝ හෝම්) බලකරමින් විරෝධතාවයක නිරතවීම ද විශේෂත්වයක්.

කෙසේ වෙතත් ජනාධිපතිවරයා එය සිනා මුසු මුහුණින් බලා සිටින ආකාරය දැකගත හැකි වුණා.