Rajapura Handi Oil
Rajapura Diabetic Powder

ඩීසල් පෙට්‍රල්  සගවාගෙන තිබූ ෂෙඩ් එකට වැඩ වරදී

ඊයේ (20) සිදුකළ වැටලීමකදී අනුරාධපුර,ගල්කුලමට දිවෙන A 13 ගුවන්තොටුපළ මාර්ගයේ පිහිටි ඉන්ධන පිරවුම්හලක සඟවා තිබෙන බවට ලැබුණු තොරතුරක් මත භූගත ටැංකි තුළ සඟවා තිබූ සුපර් ඩීසල් ලීටර් 5813ක් සහ පෙට්‍රල් ලීටර් 1540ක් සොයා ගැනීමට හැකිවී තිබෙනවා.

වැටලීමට ගිය නිලධාරින්ට ඉන්ධන පිරවුම්හලේ කළමනාකාරීත්වය පවසා ඇත්තේ තම පිරවුම්හල සතුව කිසිදු ඉන්ධන වර්ගයක් නොමැති බවයි.ඉන්ධන පිරවුම් හලේ භූගත ඉන්ධන ටැංකි පරීක්ෂා කළ විමර්ශන නිලධාරීන්ට භූගත ටැංකි තුළ සුපර් ඩීසල් සහ පෙට්‍රල් තොග පවතින බව තහවුරු කර ගැනීමට හැකි වී තිබේ. ඒ අනුව ඉන්ධන සඟවා තබාගැනීමේ චෝදනාවට අදාළ ඉන්ධන පිරවුම්හලේ අයිතිකාරීත්වය දරන දෙදෙනකුට සහ එහි කළමනාකරුට එරෙහිව ඉන්ධන සඟවා ගෙන තැබීමේ චෝදනාව මත නඩු පැවරීමටත් අවශ්‍ය ඉන්ධන සාම්පල සහ සැකකරුවන්ගෙන් ප්‍රකාශ ලබා ගැනීම විමර්ශන නිලධාරීන් විසින් එම ස්ථානයේදීම සිදු කළා.