2022 අප්‍රේල් මස 19 වන දින මාතර කොළඹ ප්‍රධාන මාර්ගයේ නිල්වලා ගඟ මහානාම පාලම මත මාර්ගය හරස් කරමින් ඉන්ධන ඉල්ලා පුද්ගලයන් පිරිසක් විරෝධතා දක්වන ලදී . එම විරෝධතා අතරතුර පොලිසියට අයත් ත්‍රිරෝද රථයට පහරදී අලාභ හානි සිදු කර ඇත .
මේ සම්බන්ධයෙන් අත්අඩංගුවට ගත් වයස අවුරුදු 30 ක්වූ මාතර පදිංචි සැකකරුවෙකු 2022.06.06 වන දින මාතර ගරු ප්‍රධාන මහේස්ත්‍රාත් අධිකරණය මගින් දඬුවම් නියම කරන ලද අතර , ඔහුට එරෙහිව තිබූ අයුතු ජන රාශියක සාමාජිකයකු වීම යන චෝදනාවට බරපතල වැඩ ඇතිව මාස 06 ක සිර දඬුවමක් හා රුපියල් 1500 / – ක දඩයක්ද , අයුතු අවහිරය යන චෝදනාව සඳහා බරපතල වැඩ ඇතිව වසරක සිර දඬුවමක් හා රුපියල් 1500 / – ක දඩයක්ද , පොලිස් නිලධාරීන්ට සපරාධී බලහත්කාරය පෑමේ චෝදනාව සඳහා වසරක සිර දඬුවමක් හා රුපියල් 1500 / – ක දඩයක්ද රජයේ දේපලවලට පහරදී අනර්ථය සිදුකිරීම සම්බන්ධයෙන් වසරක සිර දඬුවමක් හා රුපියල් 1500 / – ක දඩයක්ද ත්‍රිරෝද රථයට සිදු වූ අලාභ සඳහා රුපියල් 50,000 / -ක මුදලක් මාතර ජ්‍යෙෂ්ඨ පොලිස් අධිකාරීවරයාගේ නමින් තිබෙන පොලිස් ගිණුමට බැර කරන ලෙසටද ගරු අධිකරණය මගින් නියෝග කරන ලදී .
ඒ අනුව සම්පූර්ණ වසර 03 2 ක බරපතල වැඩ සහිතවූ සක්‍රිය සිරදඬුවමක්ද රුපියල් 6000 / -ක දඩ මුදලක්ද ලෙස ගරු අධිකරණය මගින් දඬුවම් නියම කර රුපියල් 50,000 / -ක අලාභ ගෙවීමක්ද සිදුකරන ලෙස නියෝග කෙරුණා.
