ව්‍යාජ කොරෝනා මර්දන එන්නත් නිපදවූ 80කට අධික පුද්ගලයන් සංඛ්‍යාවක් අද (2) වන විට අත්අඩංගුවට ගෙන ඇති බවත් ව්‍යාජ එන්නත් මාත්‍රා 3000කට අධික ප්‍රමාණයක් රාජසන්තක කළ බවත් චීනයේ ෂින්හුවා පුවත් සේවය වාර්තා කරයි.
එන්නත් ආශ්‍රිත අපරාධ මැඩලීමේ ව්‍යාපාරයේ ප්‍රතිඵලයක් ලෙස මෙම ව්‍යාජ එන්නත් සම්බන්ධ අත්අඩංගුවට ගැනීම් සිදු කර ඇත.
සේලයින් ද්‍රාවණයක් මෙලෙස එන්නත් ලෙස යොදාගෙන ඇති බව පරීක්ෂණවලදී අනාවරණය වී තිබේ.
මෙම ව්‍යාජ එන්නත් චීනය තුළ මෙන් ම වෙනත් රටවලට ද අලෙවි කර ඇතැයි වාර්තා වන අතර එම රටවල් මොනවා ද යන්න තවමත් සම්ර්පූර්ණයෙන් අනාවරණය කරගෙන නොමැත.
බීජිං, ජියැන්ෂු සහ ෂැන්ඩොන් යන පොලිස් මූලස්ථානවල නිලධාරීන් මෙම ව්‍යාජ එන්නත් නිපදවීමේ ජාලය අනාවරණය කර ගැනීමට සමත්ව ඇත.
මෙලෙස එන්නත් නිපදවූ කණ්ඩායම පසුගිය සැප්තැම්බර් මස සිට සක්‍රීයව පැවත ඇති බව අනාවරණය වී තිබේ.
මේ අතර එරට විදේශ අමාත්‍යංශයේ ප්‍රකාශක වැන්ග් වෙන්බින් ප්‍රකාශ කළේ, මෙම තත්ත්වය පිළිබඳව අනෙකුත් රටවල් දැනුවත් කිරීමට කටයුතු කළ බවය.
