ඉම්රාන් ඛාන්ගේ ඉවත්වීමෙන් පසු පාකිස්ථානයේ නව අගමැති ලෙස පත්වූ ෂෙබාස් ෂරීෆ් විසින් පත් කර ඇති ඇමතිවරුන් 33කින් යුත් කැබිනට් මණ්ඩලය පිහිටුවා දිනකට පසුව අමාත්යාංශ බෙදා හැරීම සම්බන්ධයෙන් මතභේදාත්මක තත්ත්වයක් පැනනැගී ඇති බව වාර්තාවනවා.
පාලක සභාගයේ ප්රධාන පක්ෂ දෙක වන පාකිස්ථාන මුස්ලිම් ලීගය-නවාස් (PML-N) සහ පාකිස්ථාන මහජන පක්ෂය (PPP) අතර මෙම මතභේදය මතුව ඇති බවයි එරට මාධ්ය වාර්තා සඳහන් කළේ.
කැබිනට් මණ්ඩලය සඳහා සාමාජිකයින් තෝරා ගැනීම සහ අමාත්යාංශ බෙදා හැරීම පදනම් කරගෙන මෙම අර්බුදය මතුව ඇති බව ද සදහන්.
මන්ත්රීවරුන් 33 දෙනෙකු ඇමතිවරුන් ලෙස දිවුරුම් දී ඇතත්, එරට රජය විසින් නිකුත් කරන ලද නිවේදනයක දැක්වෙන්නේ අමාත්යවරුන් 26 දෙනෙකු සහ රාජ්ය අමාත්යවරුන් දෙදෙනෙකුගේ නම් පමණක් වීමද විශේෂත්වයක්.
මේ අතර හිටපු පාලක පක්ෂය වූ ඉම්රාන් ඛාන්ගේ නායකත්වයෙන් යුත් ටෙහ්රීක්-ඊ-ඉන්සාෆ් පක්ෂය නව කැබිනට් මණ්ඩලයේ බොහෝ අමාත්යවරුන් දූෂණ චෝදනාවලට ලක්වූවන් බවට චෝදනා නගා තිබෙනවා.
