කුරුසිය කරතබා ගත් ජෙහාන් පාද යාත්‍රාවෙන්ම ගාලුමුවදොරට

සාමකාමි ජනතා අරඟලයට විවිධාකායරේ මුහුණුවරයන් හැඩතලයන් කලා කරුවන් විසින් එක් කරනු අප පසුගිය කාලය පුරාම දුටුවා.අප්‍රේල් මස 21 වන දා සිදු වුණ ම්ලේච්ච පාස්කු ප්‍රහාරයට යුක්තිය ඉටු කරන ලෙස ඉල්ලමින් තරුණ කලාකරුවකුවන ජෙහාන් අප්පුහාමි විසින් විහාල කුරුසියක් කර තබාගෙන පාද යාත්‍රාවෙන්ම ගාලු මුවදොරට ගමන් කිරීම ඇරඹූයේ එහි එක් දිගුවක් ලෙසටයි.

කටුවාපිටිය ශාන්ත සෙබස්තිය මුනිතුමාගේ දේවස්ථානයෙන් ගමන් ඇරඹි හෙතෙම කිලෝ තිස්පහකට අධික බරින් යුතු කුරුසියක් කර තබාගෙන මෙම ගමන ආරම්භ කලා.අද දිනය අවසාන වන්නට ඔන්න මෙන්න තබමින් ඔහු මේ වන විට ගාලුමුවදොරට සමීප වී තිබෙනවා.එසේම මේ කාරණාවේදි ජෙහාන් මෙන්ම මතක් කල යුතු තවත් තරුණ කලාකරුවෙක් සිටිනවා.ඒ කළණ ගුණසේකරයි.

ඔහු මේ වන විට ජෙහාන් පැමිණෙන තෙක් ගාලු මුවදොරට වී අඛණ්ඩ පැය තිස් හයකට අධික සත්‍යග්‍රහයක් සිදු කරමින් සිටිනවා.