රටේ පවතින ආර්ථික තත්වය සැලකිල්ලට ගෙන පාර්ලිමේන්තුවේ ආහාර සහ ලිපි ද්රව්ය පාවිච්චිය හැකි උපරිමයෙන් සීමා කරන ලෙස කතානායක මහින්ද යාපා අබේවර්ධන එහි නිලධාරීන්ට උපදෙස්දී ලබාදී ඇති බව වාර්තා වනවා.
මේ අනුව පාර්ලිමේන්තුවේ දිනකට පිළියෙළ කරන ආහාර වර්ග ප්රමාණ දැනටමත් අඩු කර ඇතැයි පාර්ලිමේන්තුවේ උසස් නිලධාරියෙක් සඳහන් කර සිටින්නේ.
මේ අතර ලිපි ද්රව්ය පාවිච්චියද සැලකියුතු ලෙස සීමා කර ඇතැයි ද එම නිලධාරියා සඳහන් කර සිටියි.
විශේෂයෙන්ම පණිවිඩ යැවීමේදී ලිපි ද්රව්ය වෙනුවට හැකිතාක් ඊමේල් වැනි ක්රම භාවිතා කරන්නැයි පාර්ලිමේන්තු මහලේකම් ධම්මික දසනායක විසින් නිලධාරීන්ට උපදෙස්දී ඇත.
මේ අතර මන්ත්රීවරුන්ට මාසිකව සැපයෙන ලිපි ද්රව්ය ප්රමාණයද අඩු කිරීමට පාර්ලිමේන්තු ප්රධානීන්ගේ අවධානය යොමුවී ඇත. තවද අමාත්යාංශවල කාර්ය සාධන වාර්තා අවශ්යම අංශ වලට පමණක් පොත් වශයෙන් ලබාදී අනෙක් ඒවා සීඩී තැටි මගින් පමණක් ලබාදීමටද කතානායකවරයා දැනුම්දී ඇත.
සේවක සේවිකාවන්ගේ ප්රවාහන අවශ්යතා සඳහාද විශාල මුදලක් වැය කෙරෙන බව පෙනී ගොස් ඇති හෙයින් ඒ මුදල අවම කර ගැනීම සම්බන්ධයෙන්ද පියවරක් ගැනීමට අවධානය යොමුවී ඇතැයි පවසන පාර්ලිමේන්තු ප්රධානීහු පාර්ලිමේන්තුවේ ගෘහ කාරක සභාව ඉදිරියේදී රැස්වී මේ සම්බන්ධයෙන් වැඩපිළිවෙළක් සකස් කිරීමට නියමිතව ඇතැයිද ප්රකාශ කර සිටියි.
පාර්ලිමේන්තු සේවක සේවිකාවන්ගේ අවශ්යතා සඳහා ලංගම බස් වෙනුවට පාර්ලිමේන්තුවේ බස්රථ පමණක් යොදා ගන්නැයි ඉදිරිපත්වී ඇති යෝජනාවක්ද මෙහිදී සලකා බැලීමට නියමිතය. පාර්ලිමේන්තු සේවක සේවිකාවන්ගේ අවශ්යතා සඳහා යොදවා ගැනෙන ලංගම බස් රථ සංඛ්යාව 10ක්.
පාර්ලිමේන්තු කාර්ය මණ්ඩලය සඳහා ශ්රී ලංගම මාර්ගස්ථ ප්රවේශ පත්ර වෙනුවෙන් 2019 වර්ෂයේදී වැය කර ඇති මුදල රුපියල් තුන් කෝටියකට (27,863,257.50) ආසන්නය. පාර්ලිමේන්තු කාර්ය මණ්ඩලය සඳහා එම වර්ෂයේදී නිකුත් කර ඇති ප්රවේශ පත්ර සංඛ්යාව 766 කි.
මේ තොරතුරු සඳහන් වන්නේ පාර්ලිමේන්තුවේ 2019 කාර්ය සාධන වාර්තා වේන්ය.
( උපුටා ගැනීම : ලංකාදීප)
