කුවේට් රජය ඉල්ලා අස්වී ඇති බව විදෙස් මාධ්‍ය වාර්තා කරයි.
එරට අගමැතිවරයාට එරෙහිව පාර්ලිමේන්තුවේ විශ්වාසභංග යෝජනාවක් ඉදිරිපත්වී ඇති අතර ඒ හේතුවෙන් එරට මේ වනවිට දැඩි දේශපාලන අර්බුදයක් නිර්මාණය වෙමින් පවතී.
විදෙස් මාධ්‍ය වර්තාකළේ අග්‍රාමාත්‍ය ෂෙයික් සබා අල්-ඛාලිඩ් විසින් අදාළ ඉල්ලා අස්වීමේ ලිපිය ඔටුන්න හිමි ෂෙයික් මෙෂාල් අල්-සභා වෙත බාරදුන් බවය.
පාර්ලිමේන්තුවේ විපක්ෂ මන්ත්‍රීවරුන් විසින් දිගින් දිගටම පාලක පක්ෂය දූෂණ වංචා සිදුකරන බව පවසමින් අගමැතිවරයාට දැඩි විරෝධයක් දැක්වීම හේතුවෙන් පාර්ලිමේන්තු කටයුතු පවත්වාගෙන යා නොහැකි වාතාවරණයක් මතුව තිබුණි.
අගමැතිවරයා එරට පාලනය කරනු ලබන අල්-සභා පවුලේ සාමාජිකයෙකි.අගමැතිවරයාට එරෙහි විශ්වාසභංගය ට අදාළ ජන්ද විමසීම හෙට පැවැත්වීමට නියමිතව තිබුණි. වර්තමාන කුවේට් රජය 2021 දෙසැම්බර් මාසයේ පත්කළ එය 2021 වසර තුළ එරට පිහිටවූ තෙවැනි රජය වෙයි.
