තෙදින නිල සංචාරයක් සඳහා දිවයිනට පැමිණ සිටින ඉන්දීය විදේශ අමාත්ය ආචාර්ය එස්. ජෙයිශංකර් (S. Jaishankar) මහතා අද පෙරවරුවේ ජනාධිපති ගෝඨාභය රාජපක්ෂ මහතා හමුවූවා.
අද කොළඹ දී ඇරඹෙන පස්වන බිම්ස්ටෙක් සමුළුවට සහභාගී වීම සඳහා ජෙයිශංකර් මහතා දිවයිනට පැමිණ සිටිනවා.
ජෙයිශංකර් මහතාගේ පැමිණීම පිළිබඳ සතුට පළ කළ ජනාධිපතිතුමා ආහාර, ඖෂධ ඇතුළු අත්යාවශ්ය ද්රව්ය ආනයනය සඳහා ඇමෙරිකානු ඩොලර් බිලියනයක ණය ප්රදාන ලබාදීම පිළිබඳ ස්තූතිය පළ කළේය.
මේ වසරේ දී ශ්රී ලංකාව සහ ඉන්දියාව අතර රාජ්ය තාන්ත්රික සබඳතාවලට 75වසරක් සැපිරීම නිමිත්තෙන් සමරු කාසියක් සහ සමරු මුද්දරයක් නිකුත් කිරීම ඇතුළු සැමරීමේ උත්සව ගණනාවක් සංවිධාන කර ඇත.
