මේ වනවිට ශ්‍රී ලංකාව මුහුණ දී තිබෙන ආර්ථික තත්වය නිසාවෙන් සහ ආර්ථික වටපිටාව සමග බොහෝ විද්‍යාර්ථීන් , ශ්‍රමිකයින් විදෙස්ගත වීමට බොහොම වැඩි වශයෙන් නැඹුරුවක් දක්වනවා.
පසුගිය දිනවල බොහෝ දෙනා පෝළිම වල සිට ඉල්ලුම් කර ලබාගත් විදෙස් ගමන් බලපත්‍රයන් සමග හා හා පුරා කියා වීසා අයැදුම් කරන්නන්ට මේ දිනවල මුහුණ දීමට සිදුවන මූලිකම ගැටලුව වන්නේ මුදල් හුවමාරු අගයයි.
ඇමරිකානු ඩොලරයක වාණිජ බැංකු හුවමාරු අඟය රුපියක් 290ක් ලෙස නම් කර තිබුනත් මේ වන විට වෙළඳපල තුල හුවමාරුවන කළු කඩ මිල වන්නේ රුපියල් 300 සිට 400ක් දක්වා වූ විවිධ අඟයන්ටය.ඊයේ දිනය (03/25 ) වන විට රුපියල් 360ක මුදලකට කළුකඩ වෙළඳපලේ තිබූ බවට සහසුද්දයෙන්ම ලියුම්කරුට කීමට නම් හැකිය.
මීට අමතරව මිල අඟයන් සමග සිදුව ඇති අනිත් විප්‍රකාරය වන්නේ විදේශ විශ්ව විද්‍යාලයන් සදහා ගාස්තු ගෙවීමට ඇති නොහැකියාවයි.මුදල් ගෙවීමට මාස කිහිපයක් ලැයිතුවේ රැදී සිටීමටත් සිදුව ඇති අතර මේ දිනවල බොහෝ විශ්ව විද්‍යාලයන් විසින් මුදල් ගෙවීම ප්‍රමාද වීම නිසා බොහෝ වීසා අයැදුම්පත් ප්‍රතික්ෂේප වී ඇති බවද අපට දැනගන්නට ලැබුනි.
ඉන් පසු ඔබේ බඩු මුට්ටු ඔසවාගෙන යාමට ගමන් මලු ( බැගේජ් ) මිලදී ගැනීමට කොළඹට යාමට සිතා සිටිනවා නම් ඔබට කීමට ඇත්තේ “කොළඹත් අනාත වී” ඇති බව පමණක්මය.
මේ වන විට රෝද තුනක් සමග ඇති කුඩාම බෑගයක මිල පටන් ගන්නේ රුපියල් 6000/= කිනි. ඉන් ඉදිරියට ගත් විට මිල පරාසයන් රුපියල් 12000ක් දක්වා විහිදී යයි.පැන්සල් 12ක පැකට්ටුවක් රුපියල් 340කට වැඩිය.
ඔක්කොම හමාර කොට ඉන්න හිතෙන රටෙන් යන්න හිතන් ගුවන් ටිකට්ටුවක් ගන්නට යන ඔබට “හතර වරම් දෙවිවරු” සිහිවනු නොඅනුමානය.
මේ වන විට සාමාන්‍යයෙන් රුපියල් අසූ දසහසකට පමණ වූ වන් වේ ටිකට් පතක මිල ලක්ශ එකහාමාරකට වඩා මිල ඉහලගොස් ඇත.
ඉතින් හිතවතුනි ගතවන මේ මොහොතේ ඉන්න හිතෙන රටෙන් යන්නත් හිතන තරම් ලෙහෙසි නැත.
