කොවිඩ් වසංගතය හේතුවෙන් පීඩාවට පත් ජනතාවට ලබාදුන් රුපියල් 5000 දීමනාව සඳහා සමෘද්ධි අරමුදලෙන් වැය වු මුදල් පියවීමේ කටයුතු මහා භාණ්ඩාරය නොසලකා හැර ඇති බවට සිදුකරන ප්‍රකාශ අසත්‍ය බව සමෘද්ධි සංවර්ධන අධිකාරිය පවසනවා.
රු 5,000 දීමනාව ලබාදීම සඳහා රුපියල් බිලියන 47ක මුදලක් වැය වී ඇති පසුබිමක එය පියවීම රජය නොසලකා ඇති බවට එල්ලවන චෝදනා සම්බණ්ධයෙන් ප්‍රතිචාර දක්වමින් සමෘද්ධි අධ්‍යක්ෂ ජනරාල් බන්දුල තිලකසිරි මහතා සඳහන් කළේ, මහා භාණ්ඩාගාරය විසින් කොටස් වශයෙන් අදාළ මුදල් පියවීමට පියවර ගෙන ඇති බවයි.
මේ වන විට පසුගිය වසරේ දෙසැම්බර් මස අවසන් වන විට රුපියල් බිලියන 8කට ආසන්න මුදලක් සමෘද්ධි සංවර්ධන අධිකාරිය වෙත ලබාදී ඇති බවද ඔහු සඳහන් කළා.
මේ වසර තුළද කොටස් වශයෙන් අදාළ මුදල් පියවීමට ක්‍රමවේදයක් සකස් කර ඇති බව සමෘද්ධි අධ්‍යක්ෂ ජනරාල් බන්දුල තිලකසිරි මහතා වැඩිදුරටත් පැවසුවා.
