පසුගිය නොවැම්බර් මාසයේ මෙරට අපනයන ඉපැයීම් ඉතිහාසයේ ඉහළ ම මාසික අපනයන අගය වාර්තා කර ඇතැයි ශ්රී ලංකා මහ බැංකුව පවසනවා.
අඛණ්ඩව හයවන මාසයටත් එහි වටිනාකම එක්සත් ජනපද ඩොලර් බිලියනය ඉක්මවා ගිය බවයි මහ බැංකුව නිවේදනය කලේ.
කෙසේවෙතත් නොවැම්බර් මාසයේ දී ආනයන වියදම ද වැඩි අගයකින් ඉහළ ගොස් තිබෙනවා.
අපනයන ඉහළ යෑම හමුවේ වෙළඳ භාණ්ඩ හිගය, 2020 වසරේ නොවැම්බර් මාසයේ පැවති අමෙරිකානු ඩොලර් මිලියන 600 ට සාපේක්ෂව 2021 වසරේ නොවැම්බර් මාසයේ දී ඩොලර් මිලියන 553 ක් දක්වා අඩුවී තිබෙනවා.
පසුගිය මාසයට සාපේක්ෂව සංචාරක පැමිණීම් ද කැපී පෙනෙන ලෙස ඉහළ ගොස් තිබෙනවා.
නොවැම්බර් මාසයේ දී විදේශ සේවා නියුක්තිකයන්ගේ ප්රේෂණවල අඩු වීමක් තවදුරටත් පෙන්නුම් කල බවයි මහ බැංකුව නිවේදනය කලේ.
