කර්නල්ගේ වාහනේ ඉස්සර කළ තරුණයාට ලේ වමනේ දාන්න ගහලා

අද උදෑසන කැස්බැව හල්පිට ප්‍රදේශයේදී යුද හමුදාවේ කර්නල් වරයෙකු වයස අවුරුදු 23ක් පමණ වන තරුණයේකුට අමානුෂික ලෙස පහර දී තිබෙනවා.

සිද්ධිය ඇසින් දුටුවන් පවසන්නේ යතුරුපැදියකින් ගමන් කළ තරුණයා හමුදා නිලධාරියාගේ වාහනය පසුකර යාමේදී සිදු වූ සිද්ධියක් සම්බන්ධයෙන් උරනව මෙම කර්නල් වරයා තරුණයාට පහර දී ඇති බවයි.

ව්‍යායාම කිරීම සඳහා හමුදා ලංඡව සහිතව හමුදාවෙන් නිකුත් කළ ව්‍යායාම ඇදුම් කට්ටලයකින් සැරසී හමුදාවෙන් ලබා දුන් නිලරථයෙන් ගමන් කරමින් සිටියදී ඉතා අශෝභන ලෙස හැසිරෙමින් තරුණයාට බිම පෙරළාගෙන අතින් පයින් පහදුන් කර්නල්වරයා පසුව එම ස්ථානයෙන් ඉවත්වයෑමට සූදානම් වන විට
ගම්වාසීන් ඊට විරෝධය පා කර්නල්වරයා රඳවාගෙන ඇත.

තරුණයාගේ තත්ත්වය විමසා බැලීමේදී ඔහු ලේ වමනේ දමන බව දැක ගම්වාසීන් තරුණයා වෑතර රෝහලට ඇතුළත් කිරීමට පියවර ගත් අතර පොලිසියට මේ බව දැනුම් දී ඇත. පසුව එම ස්ථානයට කහතුඩුව පොලිස් ස්ථානයෙන් නිලධාරීන් දෙදෙනකු පැමිණ තිබේ.

පොලිස් නිලධාරීන් ඉදිරියේදී තමන් තරුණයාට පහර දුන් බව කර්නල්වරයා පිළිගත් අතර කර්නල් වරයා අත්අඩංගුවට ගන්නා ලෙස රැස්වසිටි ජනතාවගෙන් එල්ලවූ බලපෑම නිසා එහි පැමිණි කහතුඩුව පොලිසියේ ලක්මාල් නමැති පොලිස් නිලධාරියා කර්නල්වරයාගේ නිලරථයටම ගොඩවී ඔහු පොලිසියට රැගෙන යන බව පවසමින් පිටව ගියේය.

පසුව කහතුඩුව පොලිස් ස්ථානයෙන් අප කළ විමසීමේදී එහි ස්ථානාධිපතිවරයා සඳහාන් කළේ කර්නල්වරයා කැස්බෑව පොලිසියට රැගෙන ගිය බවයි.

කැස්බෑව පොලිසියෙන් කළ විමසීමේදී කැස්බෑව පොලිසියේ ස්ථානාධිපති වරයා පැවසුවේ එය ගණන් නොගත යුතු මට්මේ සුලු සිද්ධියක් බවයි. පහර කෑමට ලක් වූ තරුණයා සිද්ධිය සමතකයකට පත් කර ගැනීමට කැමැත්ත පල කළ බවද ඔහු පවසයි. කර්නල්වරයා අත්අඩංගුවට ගත් බවත් තවත් විටක පවසයි. පහර කෑ තරුණයාට වලංගු රියැදුරු බල පත්‍රයක් නැති බවත් පවසයි. අවශ්‍යනම් පොලිස්ස්ථානයට පැමිණ කර්නල්වරයා හමු වෙන් ලෙසත් පවසයි. විටෙක සිනාසෙයි. තවතව අදාල නැති බොහෝ දේ පවසයි. සිද්ධිය සම්බන්ධයෙන් ගත් නෛතික ක්‍රියාමාර්ග හැර අනෙක් සියල්ල ඔහු පවසයි. (හඬ පටය අප සතුව ඇත)

ගමක් කෙන්ති ගැස්සූ නමුත් කැස්බෑවේ OIC ට පුංචි වූ ඒ සිද්ධිය පහත වීඩියෝවෙන් නරඹන්න.

අරුණ වෙබ්අඩවිය