ශ්රී ලංකා පොදුජන පෙරමුණ විසින් පසුගිය දා අනුරාධපුර දී සංවිධානය කළ රැලියක් අතරතුර මෙන්ම ඉන් පිටත ස්ථාන කිහිපයක දී පාර්ලිමේන්තු මන්ත්රී රාමනාදන් අර්චුනා විසින් සිදුකළ ප්රකාශ කිහිපයක් සම්බන්ධයෙන් මේ වන විට විමර්ශන සිදු කරමින් පවතින බව අමාත්ය නලින්ද ජයතිස්ස පවසනවා.
අද (15) පැවති කැබිනට් තීරණ දැනුම් දීමේ මාධ්ය හමුවේදී අදහස් දක්වමින් අමාත්යවරයා මේ බව සඳහන් කළා.
මැතිවරණ ව්යාපාරය සඳහා ජාතික ජන බලවේගය විසින් දමිළ ඩයස් පෝරාවෙන් මුදල් ආධාර ලබාගත් බවට, රාමනාදන් අර්චුනා විසින් සිදු කළ ප්රකාශය සම්බන්ධයෙන් ද අමාත්යවරයාගෙන් මෙහිදී මාධ්යවේදීන් ප්රශ්න කළා.
එහිදී අමාත්යවරයා වැඩිදුරටත් කියා සිටියේ එම ප්රකාශ සම්පූර්ණයෙන් ප්රතික්ෂේප කරන බවයි.
