ශ්රව්යාබාධිත ප්රජාව සඳහා වන අයිතිවාසිකම් සුරැකීමේ සහ පහසුකම් පුළුල් කිරීමේ පියවරක් ලෙස 119 හදිසි ඇමතුම් අංශය වෙත WhatsApp සමාජ මාධ්ය ඔස්සේ වීඩියෝ තාක්ෂණය යොදා ගනිමින් පැමිණිලි කිරීමේ විශේෂ ව්යාපෘතියක් එළඹෙන 10 වැනි දින සිට ආරම්භ කිරීමට නියමිතයි.
මෙය පසුගිය 03 වැනිදාට යෙදී තිබුණු 160 වන පොලිස් දිනයට සමගාමීව ආරම්භ කර තිබෙනවා.
ඒ, අනුව මෙම විශේෂ ව්යාපෘතිය පොලිස් දිනය දා ජනාධිපති අනුර කුමාර දිසානායක විසින් නිල වශයෙන් ආරම්භ කර තිබෙනවා.
මෙමඟින් ශ්රව්යාබාධිත ප්රජාවට 119 පොලිස් හදිසි ඇමතුම් අංශය සමඟ සම්බන්ධ වී පැමිණිලි ඉදිරිපත් කිරීමට කෙටි දුරකථන අංකයක් හඳුන්වාදීම සිදුකරන තෙක් පහත පහත පියවර අනුගමනය කරමින් පැමිණිලි ඉදිරිපත් කිරීමේ හැකියාව පවතිනවා.
ඒ අනුව,
ප්රථමයෙන් 011- 2809980 යන අංකය ඔබගේ දුරකථනයේ ගබඩා (Save) කරගත යුතුයි.
පසුව WhatsApp හරහා එම දුරකථන අංකයට ඇමතුමක් (Audio Call) ලබාදිය යුතු වනවා.
එම අවස්ථාවේ එම දුරකථන ඇමතුම විසන්දි වී, දුරකථනයට සබැදියක් ( Link ) ලැබෙයි.
එම සබැදිය (Link) හරහා නැවත WhatsApp වෙත පිවිසිය යුතු වනවා.
ඉන් පසු එහි ඇති “Join Browser” click කර “Join Meeting” වෙත පිවිසිය යුතු අතර එයින් වීඩියෝ ඇමතුම හා සම්බන්ධ වී පැමිණිල්ල ඉදිරිපත් කිරීමේ හැකියාව ලැබෙයි.
