එල් නිනෝ තත්ත්වයන් මධ්‍යයේ අනාගතයේ දී ආහාර සුරක්ෂිතතාව පවත්වා ගැනීමට සහ ආහාර හිඟයක් වළක්වා ගැනීමට කෘෂිකර්ම අමාත්‍යාංශය සැලැස්මක් සකස් කර තිබෙනවා.
කෘෂිකර්ම නියෝජ්‍ය අමාත්‍ය නාමල් කරුණාරත්න පැවසුවේ මේ සඳහා වගා සැලැස්මක් ද හඳුන්වා දී ඇති බවයි.
නියෝජ්‍ය අමාත්‍යවරයාට අනුව, ජල කළමනාකරණය සහ ජල සම්පත් තිරසාර ලෙස භාවිත කිරීම කෙරෙහි විශේෂ අවධානයක් යොමු කර තිබෙනවා.
ජලය කාර්යක්ෂමව භාවිත කිරීම සහ නාස්තිය වළක්වා ගැනීම පිළිබඳව ගොවීන් දැනුවත් කිරීම සඳහා දැනුවත් කිරීමේ වැඩසටහන් ද සංවිධානය කර ඇති බව සඳහන්.
