විනිසුරුවරුන්ගේ විශ්රාමයාමේ වයස දීර්ඝ කිරීම සඳහාවන යෝජිත ආණ්ඩුක්රම ව්යවස්ථා සංශෝධනය පිළිබඳ එක්සත් ජාතීන්ගේ සංවිධානයේ විනිසුරුවරුන්ගේ සහ නීතිඥයින්ගේ ස්වාධීනත්වය පිළිබඳ විශේෂ නියෝජිත මාග්රට් සැටර්ත්වයිට් සිය කනස්සල්ල පළ කර තිබෙනවා.
විශේෂ නියෝජිතවරිය, ජනාධිපති අනුර කුමාර දිසානායක වෙත විශේෂ ලිපියක් යොමුකරමින් මේ බව පවසනවා.
අදාළ ලිපිය මඟින් ඇය පවසා ඇත්තේ ආණ්ඩුව ගෙන එම යෝජිත මෙම ව්යවස්ථා සංශෝධනය ක්රියාත්මක කළහොත්, අධිකරණයේ ස්වාධීනත්වය සහ අධිකරණය කෙරෙහි මහජනතවට ඇති විශ්වාසය අඩපණ විය හැකි බවයි.
එමෙන්ම දැනට සේවයේ නිරත විනිසුරුවරුන්ගේ ධුර කාලය වෙනස් කිරීම තුළින් විධායකය සහ ව්යවස්ථාදායකය විසින් අධිකරණයට අනිසි බලපෑම් කිරීමට ඇති ඉඩකඩ පිළිබඳව ගැටලු මතුවිය හැකි බවට ද ඇය අනතුරු අඟවනවා.
මෙම යෝජිත වෙනස්කම් අනාගතයට පමණක් නොව, දැනට සේවයේ නියුතු විනිසුරුවරුන්ගේ සේවා කාලයටද (tenure of sitting judges) එකවර බලපාන ආකාරයට සකස් කර තිබීම ගැටලුකාරී තත්ත්වයක් බව ඇය අවධාරණය කරනවා.
ඒ, අනුව අධිකරණයේ ස්වාධීනත්වය ආරක්ෂා කිරීමට සුදුසු ආරක්ෂණ ක්රමවේද සහිතව, විනිවිද පෙනෙන සියල්ල ඇතුළත්ව සහ උපදේශාත්මක යුක්තිය ප්රතිසංස්කරණ ක්රියාවලියක් හරහා විශ්රාම යාමේ වයසේ ඕනෑම වෙනසක් සිදුකරන ලෙසයි විශේෂ නියෝජිතවරිය රජයෙන් ඉල්ලා සිටින්නේ.
