ඉදිරි දින කිහිපය තුළ දිවයිනේ නිරිත දිග ප්රදේශයේ වැසි තත්ත්වයේ තරමක වැඩි වීමක් අපේක්ෂා කෙරෙන බව කාලගුණ විද්යා දෙපාර්තමේන්තුව සඳහන් කරනවා.
බස්නාහිර, සබරගමුව සහ වයඹ පළාත්වලත් මහනුවර, නුවරඑළිය ගාල්ල සහ මාතර දිස්ත්රික්ක වලත් විටින් විට වැසි ඇති විය හැකි බවයි එම දෙපාර්තමේන්තුව පවසන්නේ.
බස්නාහිර සහ සබරගමුව පළාත්වලත් මහනුවර සහ නුවරඑළිය දිස්ත්රික්ක වලත් ඇතැම් ස්ථානවලට මිලි මීටර් 50ට වැඩි තරමක තද වැසි ඇති විය හැක හැකියි.
දිවයිනේ සෙසු ප්රදේශ වල ප්රධාන වශයෙන් වියලි කාලගුණික තත්ත්වයක් පවතින බව සඳහන් කරන කාලගුණ විද්යා දෙපාර්තමේන්තුව, උතුරු, උතුරු – මැද, වයඹ සහ මධ්යම පළාත්වල සහ රත්නපුර, මොණරාගල, හම්බන්තොට සහ ත්රිකුණාමලය දිස්ත්රික්කවල විටින් විට හමන පැ.කි.මී. 40-50ක පමණ තද සුළං ඇතිවිය හැකි බවත් දැනුම් දෙනවා.
