මීරිගම පොලිස් වසමේ ගිරිඋල්ල – පස්යාල මාර්ගයේ ඉදිපරපේ ප්රදේශයේ දී පසුගිය 17 වනදා සිදු වූ රිය අනතුරකින් බරපතල තුවාල ලැබූ පුද්ගලයෙකු එම ස්ථානයේදීම මිය ගොස් තිබෙනවා.
අනතුරින් පසු මෘත ශරීරය හඳුනාගත නොහැකි ආකාරයට දැඩි හානි සිදුව ඇති බැවින් මරණකරුගේ අනන්යතාවය මෙතෙක් තහවුරු කර ගැනිමට නොහැකි වී ඇති බවයි පොලිසිය පවසන්නේ.
මෙලෙස මියගොස් ඇති පුද්ගලයා වයස අවුරුදු 55 ක් පමණ පෙනුම ඇති මුහුණ පුරා රැවුල වවා ඇති උස අඩි 05 අඟල් 02 ක් පමණ වන පුද්ගලයෙක්.
අවසන් වරට ලා කොළ පැහැයට හුරු දිග කලිසමක් හා එම පැහැති අත් කොට ටී ෂට් එකක් හැඳ සිටි බවයි පොලිසිය සඳහන් කරන්නේ.
මේ වනවිට මෘත ශරීරය වතුපිටිවල රෝහලේ මෘත ශරීරාගාරයේ තැන්පත් කර ඇති අතර, මෙම මරණකරු හඳුනාගැනීම පොලිසිය මහජනතාවගේ සහාය පතනවා.
මරණකරු පිළිබඳ යම් තොරතුරක් වෙතොත් පහත සඳහන් දුරකථන අංක වලට දැනුම් දෙන ලෙස පොලිසිය මහජනතාවගෙන් ඉල්ලා සිටින්නේ.
මීරිගම ස්ථානාධිපති 071 8591625 / මීරිගම පොලිස් ස්ථානය 033 2274322
