එක්සත් ජාතීන්ගේ මානව හිමිකම් මහ කොමසාරිස් තනතුර යළිත් වෝල්කර් ටර්ක්ට

එක්සත් ජාතීන්ගේ මානව හිමිකම් පිළිබඳ මහ කොමසාරිස් ධුරය සඳහා අඛණ්ඩව දෙවන වරටත් වෝල්කර් ටර්ක් ඡන්දයෙන් පත්ව තිබෙනවා.

ඒ, අනුව මෙම වසරේ ඔක්තෝබර් මස 11 වන දින නිල කාලය නිමා කිරීමට සිටි වෝල්කර් ටර්ක්ගේ ධුර කාලය තවත් වසර හතරකින් දීර්ඝ වනු ඇති.

එක්සත් ජාතීන්ගේ මානව හිමිකම් ප්‍රධානියා ලෙස ටර්ක්ව ඔහුගේ තනතුරේ තබා ගැනීමට සිකුරාදා එක්සත් ජාතීන්ගේ සාමාජික රටවල් 144ක් පක්ෂව ඡන්දය භාවිත කළ අතර ඊට විරුද්ධ රටවල් 10ක් ඡන්දය ප්‍රකාශ කර තිබුණා.

මේ අතර තවත් රටවල් 13ක් ඡන්දය ප්‍රකාශ කිරීමෙන් වැළකී සිටියා.

වෝල්කර් ටර්ක්ගේ නැවත පත්වීමට විරුද්ධව ඡන්දය ප්‍රකාශ කළ රටවල් අතර ජනපදය, ඊශ්‍රායලය, රුසියාව, උතුරු කොරියාව ද වනවා.

ඔහු තම දෙවන ධුර කාලය අවසන් කළහොත්, 1993දී එම තනතුර ඇති කිරීමෙන් අනතුරුව එවැනි ක්‍රියාවක් කළ පළමු එක්සත් ජාතීන්ගේ මානව හිමිකම් මහ කොමසාරිස්වරයා ඔහු වනු ඇති.