එල් නිනෝ තත්ත්වය මේ වන විට දැඩිව වර්ධනය වී ඇති අතර, එහි උච්චතම අවස්ථාව බලාපොරොත්තු වූ කාල සීමාවට පෙර මෙරටට ළඟා විය හැකි බව පරිසර අමාත්ය ධම්මික පටබැඳි පවසනවා.
ඒ, අනුව එහි උච්චතම අවස්ථාව එළඹෙන නොවැම්බර් මාසයේ සිදුවිය හැකි බවයි පරිසර අමාත්යවරයා සඳහන් කළේ.
එල් නිනෝ තත්ත්වය හා ඒ හේතුවෙන් ශ්රී ලංකාවට ඇති විය හැකි බලපෑම් පිළිබඳ දැනුම්වත් කිරීමට රජයේ ප්රවෘත්ති දෙපාර්තමේන්තුවේ අද (23) පෙරවරුවේ පැවති ප්රවෘත්ති සාකච්ඡාවක දී අමාත්යවරයා මේ බව සඳහන් කළා.
මේ අතර ජුලි, අගෝස්තු, සැප්තැම්බර් යන මාසයන්වල දැඩි වියළි කාලගුණ තත්ත්වයක් උදාවිය හැකි බවත්, ඔත්තොම්බර්, නොවැම්බර්, දෙසැම්බර් මාසවලදී දැඩි වර්ෂාපතයක් දිවයිනට බලපා හැකි බවත් අමාත්යවරයා මෙහිදී පැවසුවා.
එල් නිනෝ තත්ත්වයට මුහුණදීම සඳහා ජනතාවගේ සහයෝගය මෙන්ම සහභාගීත්වය ද ඉතා වැදගත් බව පැවසූ අමාත්යවරයා ඉදිරියේ දී දැඩි නියඟයක් ඇති වීමට පවා ඉඩ ඇති බවයි වැඩිදුරටත් සඳහන් කර සිටියේ.
ඒ, අනුව බලශක්තිය අරපිරිමැස්මෙන් පාවිච්චිකරන ලෙසත්, ජල මූලාශ්ර ආරක්ෂාකර ගැනීම සහ සහ ජලය අරපිරිමැස්මෙන් භාවිත කරන ලෙසත් අමාත්යවරයා පැවසුවා.
