මාතර, දෙවුන්දර දේවාලය ආසන්නයේ පිහිටි නිවසකට නාඳුනන වෙඩික්කරුවකු විසින් වෙඩි තබා පලා ගිය මෝටර් රථය සොයාගෙන තිබෙනවා.
දික්වැල්ල, අලුත් බෙලිඅත්ත මාර්ගයේ දමාගොස් තිබිය දී මෙම මෝටර් රථය සොයාගත් බවයි පොලිසිය සඳහන් කළේ.
ඊයේ (22) රාත්රියේ අලුත් බෙලිඅත්ත මාර්ගයේ මෝටර් රථයක් නවතා තිබී ඇති අතර, පොලිසිය එය පරීක්ෂාවට උත්සාහ කිරීමේ දී රියදුරු විසින් එය නොනවත්වා ධාවනය කර තිබෙනවා.
පසුව මෝටර් රථය කාණුවකට වැටී අනතුරට ලක්ව ඇති අතර, එම අවස්ථාවේ දී එහිදී රියදුරු පලාගොස් ඇතැයි බවයි පොලිසිය පැවසුවේ.
පොලිස් නිලධාරීන් විසින් රථය පරීක්ෂා කිරීමේ දී එය මෙම වෙඩි තැබීමට සම්බන්ධ මෝටර් රථය බවට හඳුනාගෙන තිබෙනවා.
දෙවුන්දර දේවාලය ආසන්නයේ පිහිටි නිවසකට නාඳුනන වෙඩික්කරුවකු විසින් පෙරේදා (21) රාත්රියේ වෙඩි තබා පලාගොස් තිබුණා.
මෙම වෙඩි තැබීම දෙවුන්දර දේවාලයේ පෙරහැර සම්බන්ධයෙන් අපරාධ කල්ලි සාමාජිකයින් දෙදෙනෙකු අතර ඇති වුණ මතගැටුමක් හේතුවෙන් සිදුවූවක් බවයි සැකපළ කරන්නේ.
