වයඹ පළාත භාර ජ්යෙෂ්ඨ නියෝජ්ය පොලිස්පති අජිත් රෝහණ මහතාට සේවා දිගුවක් ලබා දී ඇති බවට සමාජ මාධ්ය ඔස්සේ විවිධ පුවත් සහ ප්රකාශන සංසරණය වෙමින් පවතිනවා.
වෙනත් ජ්යෙෂ්ඨ නිලධාරීන්ට එවැනි අවස්ථාවක් නොලැබෙද්දී අජිත් රෝහණ මහතාට සේවා දිගුවක් ලබා දෙන්නේ කුමන පදනමකින් දැයි සඳහන් කරමින් විවේචනාත්මක අදහස් ද ඇතැම් පාර්ශව විසින් පළකර තිබුණා.
කෙසේ වෙතත්, මේ සම්බන්ධයෙන් අප කළ විමසීමක දී ජ්යෙෂ්ඨ නියෝජ්ය පොලිස්පති අජිත් රෝහණ මහතා ප්රකාශ කළේ සේවා දිගුවක් සම්බන්ධයෙන් පැතිර යන ප්රචාර සම්පූර්ණයෙන්ම අසත්ය බවයි.
තමන්ට කිසිඳු සේවා දිගුවක් ලබා දී නොමැති බවත්, එවැනි සේවා දිගුවක් ලබා දෙන ලෙස තමා විසින් ද කිසිඳු ඉල්ලීමක් සිදු කර නොමැති බවත් ඒ සඳහා කිසිඳු අවශ්යතාවයක් ද නොමැති බවත් ජ්යෙෂ්ඨ නියෝජ්ය පොලිස්පතිවරයා අවධාරණය කරනවා.
එළඹෙන සැප්තැම්බර් මාසයේ දී නියමිත පරිදි තමන් විශ්රාම යාමට කටයුතු කරන බවට සඳහන් කළ ජ්යෙෂ්ඨ ජ්යෙෂ්ඨ නියෝජ්ය පොලිස්පතිවරයා සිය නියමිත සේවා කාලය අවසන් වූ පසු නැවත පොලිස් සේවය පැමිණීමේ හෝ සේවා දිගුවක් ලබා ගැනීමේ කිසිඳු අදහස් නොමැති බවට ද ප්රකාශ කළා.
ඒ අනුව සමාජ මාධ්යයේ සංසරණය වන ප්රකාශන සහ අදහස් සත්යයෙන් තොරවන අතර, එම සියලු ප්රකාශන බැහැර කරන බවට ද ඔහු වැඩිදුරටත් සඳහන් කළා.
අජිත් රෝහණ මහතා, ශ්රී ලංකා පොලිස් සේවයේ ජනප්රියතම පොලිස් නිලධාරීන්ගෙන් අතර ඉදිරියෙන්ම සිටිනවා.
විශේෂයනෙම ඔහු පොලිස් මාධ්ය ප්රකාශකවරයා ලෙස කටයුතු කළ සමයේ මහජනතාව අතර සුවිශේෂී ප්රසාදයක් හිමිකර ගත් අතර කොවිඩ් වසංගත සමයේ දී ජනතාව වෙත සිදුකළ පැහැදිලි යාවත්කාලින කිරීම් හරහා ඔහු කෙරෙහි ජනතා විශ්වාසය සහ කැමැත්ත තවදුරටත් වර්ධනය වුණා.
එමෙන්ම රටේ මාධ්යය සහ සියලු වෘත්තීය පර්ශවයන් සමඟ ද අව්යාජ වෘත්තිමය සම්බන්ධයක් ඇතිකර ගත් ජ්යෙෂ්ඨ පොලිස් නිලධාරියෙක් ලෙසයි ජ්යෙෂ්ඨ නියෝජ්ය පොලිස්පති අජිත් රෝහණ මහතා සැලකෙන්නේ.
