ශ්රී ලංකාවට නැගෙනහිර දෙසින්, නාවික සැතපුම් 15ක් පමණ දුරින් වූ පොතුවිල් මුහුදේ දී අයහපත් කාලගුණික තත්ත්වය හේතුවෙන් ආපදාවට පත් වූ මෙරට ධීවර යාත්රාවක සිටි ධීවරයෙක් බේරාගැනීමට නාවික හමුදාව (17) සිදුකළ මෙහෙයුමක දී හැකිව තිබෙනවා.
පොතුවිල් මුහුදේ දී, ආපදාවට පත් ධීවර යාත්රාවක් පිළිබඳව කොළඹ සමුද්රීය සෙවීම් හා මුදවා ගැනීම් සම්බන්ධීකරණ මධ්යස්ථානය වෙතින් සිදුකළ දැනුම් දීමකට අනුව, ඊයේ (17) නාවික නෞකා විජයබාහු නෞකාව හා නාවික හමුදා යාත්රා යොදවා සිදුකරන ලද විශේෂ සෝදිසි මෙහෙයුමේ දී ආපදාවට පත් වූ ධීවර යාත්රාවේ සිටි ධීවරයා සොයා ගැනුණා.
එහිදී අනතුරට පත් ධීවරයා නිරුපද්රිතව මුදාගැනීමෙන් අනතුරුව, ශ්රී ලංකා නාවික නෞකා විජයබාහු නෞකාව වෙතින් මූලික ප්රථමාධාර ලබාදෙමින් කඩිනමින් ගොඩබිම වෙත රැගෙන ඒමටයි කටයුතු කර තිබුණේ.
එම ධීවරයා පසුව වැඩිදුර ප්රථිකාර සඳහා යොමු කිරීමටයි නාවික හමුදාව පියවර ගෙන ඇත්තේ.
