වවුනියාව – බෝගස්වැව (B442) මාර්ගය සංවර්ධනය කිරීමේ වැඩසටහන අද (15) සමූපකාර සංවර්ධන නියෝජ්ය අමාත්ය උපාලි සමරසිංහගේ ප්රධානත්වයෙන් ආරම්භ කෙරුණා.
මෙම ව්යාපෘතිය යටතේ වෙලිකුලම මංසන්ධියේ සිට මාමඩුව දක්වා කිලෝමීටර 8ක දුරක් කාපට් අතුරා සංවර්ධනය කිරීමට නියමිත අතර, එය මාර්ගයේ පළමු අදියර ලෙස ක්රියාත්මක වනවා.
වවුනියාව සිට බෝගස්වැව දක්වා සමස්ත මාර්ග දිග කිලෝමීටර 48ක් වන අතර, යුද සමයේ සිට අබලන්ව පැවති මෙම මාර්ගය ප්රදේශවාසීන්ට බරපතල අපහසුතා රැසක් ඇති කර තිබුණා.
පළමු අදියර සඳහා රුපියල් මිලියන 529ක මුදලක් වෙන් කර ඇති අතර, මාස 18ක කාලයක් තුළ එය අවසන් කිරීමට සැලසුම් කර ඇත. ඉදිරි අදියරයන් යටතේ මාමඩුව සිට රඹවෙට්ටිය දක්වා දෙවන අදියර ක්රියාත්මක වන අතර, තෙවන අදියර ලෙස බෝගස්වැව දක්වා මාර්ග සංවර්ධනය සිදු කිරීමට නියමිතයි.
මෙම ව්යාපෘතිය සාර්ථකව ක්රියාත්මක වීමෙන් ගම්මාන 18කට අයත් පවුල් දස දහසකට අධික සංඛ්යාවකට සෘජු ප්රතිලාභ හිමිවනු ඇති අතර, ගමනාගමනය, වෙළඳාම සහ ග්රාමීය ආර්ථිකය ශක්තිමත් වීමට දායක වනු ඇතැයි අපේක්ෂා කෙරෙනවා.
මෙම අවස්ථාවට ජාතික ජන බලවේගයේ වන්නි දිස්ත්රික් පාර්ලිමේන්තු මන්ත්රී එම්. ජගදීස්වරන් , මාර්ග සංවර්ධන අධිකාරියේ නිලධාරීන්, පළාත් පාලන නියෝජිතයින් සහ ප්රදේශවාසීන් රැසක් එක්ව සිටියා
