මීගමුව බන්ධනාගාරයේ ඇති වූ ගැටුමෙන් මිය ගිය නිලධාරීන් සහ රැඳවියන් සිහිපත් කර ඔවුන්ට පිං අනුමෝදන් කිරීමේ මතක බණ ධර්ම දේශනයක් අදාළ සිද්ධියට සත් දිනක් ගතවන අද (13) දිනයේ පැවැත් වුණා.
ඒ, අධිකරණ සහ ජාතික ඒකාබද්ධතා අමාත්‍යාංශයේදී යි.
අති පූජ්‍ය මීගොඩ සුඛිත ස්වාමීන් වහන්සේගේ වැඩමවීමෙන් මේං ධර්ම දේශනාව සිදුකළ අතර, අධිකරණ සහ ජාතික ඒකාබද්ධතා අමාත්‍යාංශයේ ලේකම්, ජනාධිපති නීතිඥ අයේෂා ජිනසේන, වැඩ බලන බන්ධනාගාර කොමසාරිස් ජනරාල් ප්‍රසාද් හේමන්ත කුමාර ඇතුළු අධිකරණ සහ ජාතික ඒකාබද්ධතා අමාත්‍යාංශයේ සහ බන්ධනාගාර දෙපාර්තමේන්තුවේ නිලධාරීන් මෙම අවස්ථාවට එක්ව සිටියා.
මීගමුව බන්ධනාගාරය තුළ ඇති වූ ගැටුමෙන් මිය ගිය නිලධාරීන් සහ රැඳවියන් සිහි කරමින් පිං අනුමෝදන් කිරීම සහ තුවාල ලබා ප්‍රතිකාර ලබන නිලධාරීන්ට සහ රැඳවියන්ට ඉක්මන් සුවය ප්‍රාර්ථනා කරමින් ආශිර්වාද කිරීම ද මෙහිදී සිදුවුණා.
