හිටපු අධිකරණ අමාත්‍ය විජයදාස රාජපක්ෂගේ පුත් නීතීඥ රඛිත රාජපක්ෂ සහ සමගි ජන බලවේගයේ හොරණ ආසන සංවිධායක ලෙස කටයුතු කළ චරිත් අබේසිංහ මෙන්ම සිවිල් ගුවන්සේවා අධිකාරියේ හිටපු අධ්‍යක්ෂවරයෙකු වන වරුෂ හෙන්නදිගේ අරුණ ශ්‍රී චතුරංග යන තිදෙනා මේ වනවිට අධිකරණය වෙත රැගෙනවිත් තිබෙනවා.
මෙම සිද්ධියට අදාළ නඩුව කැඳවූ අවස්ථාවේ දී පළමු සැකකරුට පෙනි සිටින ජ්‍යෙෂ්ඨ නීතීඥ අසෝක වීරසුරිය ඉහළ අධිකරණයේ නඩුවකට පෙනි සිටින බැවින් නඩුව පසුව ගන්න ලෙස නීතීඥ සංජය මාරඹේ අධිකරණයෙන් ඉල්ලා සිටියා.
ඒ, අනුව නඩුව දහවල් 2.00කට කැඳවිමටයි කොළඹ ප්‍රධාන මහේස්ත්‍රාත් අසංග එස් බෝදරගම මහතා මීට සුළු මොහොතකට පෙර නියෝග කළේ.
සංවිධානාත්මක අපරාධකරුවකු වන හරක් කටා නමැත්තාට පහසුකම් සැලසීම සඳහා ඔහුගේ බිරිඳගෙන් රුපියල් කෝටි 12ක් අල්ලස් වශයෙන් ඉල්ලා එය ලබාගැනීමේ සිද්ධියකට අදාළව අල්ලස් කොමිසම මඟින් මෙම සැකකරුවන් අත්අඩංගුවට ගෙන
රක්ෂිත බන්ධනාගාරගත කර සිටියා.
.
