ශ්රී ලංකා ගුවන් හමුදාවට අයත් කල්පිටිය වෙඩි පිටියේදී පසුගිය 17 වැනිදා පැවැති බෝම්බ නිෂ්ක්රීය කිරීමේ අභ්යාසයක් අතරතුර ඇති වූ සිදුවීම සම්බන්ධයෙන් විශේෂ විමර්ශනයක් ආරම්භ කර ඇති බව ගුවන් හමුදාව නිවේදනයක් නිකුත් කරමින් පවසනවා.
ඒ ගුවන් හමුදාපතිවරයා විසින් පත්කළ විශේෂ පරීක්ෂණ මණ්ඩලයක් යටතේ මෙම විමර්ශන සිදු කීරෙන බව එම නිවේදනයේ සඳහන්.
රාජකාරීයේ නිරතව සිටි ගුවන් හමුදා සාමාජිකයන් හත්දෙනෙක් සහ පොලිස් විශේෂ කාර්ය බලකායේ නිලධාරියෙක් විසින් වෙඩි පිටියේ රැඳී සිටි සිවිල් පුද්ගලයන් තිදෙනෙක්ගෙන් ඔවුන්ගේ අන්යතාවය පිළිබඳ විමසීමක් කර ඇති බවත්, එහිදී එක් පුද්ගලයෙක් පොලිස් නිලධාරියෙක් බවත් අනෙක් දෙදෙනා එම පොලිස් නිලධාරියා සමඟ පැමිණි සිවිල් පුද්ගලයන් බවටත් තහවුරු කරගත් බව ගුවන් හමුදාවේ නිවේදනයේ සඳහන් වනවා.
බෝම්බ නිෂ්ක්රීය කිරීමේ අභ්යාස කටයුතු සිදුවන කාලසීමාව තුළ අදාළ ප්රදේශය සාමාන්ය ජනතාවට ඇතුළු වීම තහනම් ආරක්ෂිත කලාපයක් ලෙස නම් කර ඇති අතර රාජකාරියේ නිරතව සිටි නිලධාරීන් එහි රැඳී සිටි අදාළ සිවිල් වැසියන්ගේ විමසීම් සිදු කළ අවස්ථාවේ මෙම උණුසුම්කාරී තත්ත්වය නිරමය වූ බව නිවේදනයේ සඳහන් කර තිබෙනවා.
