දකුණු පළාත් හිටපු ප්රධාන අමාත්යවරයෙකු වූ ෂාන් විජයලාල් සිල්වාගේ පුද්ගලික ලේකම්වරයෙකු දූෂණ චෝදනා මත අල්ලස් කොමිසම මඟින් අත්අඩංගුවට ගෙන තිබෙනවා.
දකුණු පළාත් ප්රධාන අමාත්යාංශයේ විෂය පථය යටතේ පවත්වා ගෙන යන දකුණු පළාත් සංවර්ධන අධිකාරිය මඟින් ක්රියාත්මක කර ඇති 2019 වර්ෂයේ රුපියල් මිලියන 16.5 ක දකුණු පළාත් සභා මන්ත්රි ප්රතිපාදන වලින් දකුණු පළාතේ පොදු ස් ස්වේච්ඡා සමිති සඳහා පුටු ලබාදීම වෙනුවෙන් නියමිත ප්රසම්පාදන ක්රම වේදයෙන් බැහැරව නිෂ්පාදිත ආයතනයක් තෝරාගනිමින් එම ආයතනය වෙත වාසියක් සිදු කිරීම හා දකුණු පළාතේ දිස්ත්රික් තුනෙහි පළාත් සභා මන්ත්රීවරුන් 54 දෙනෙකු වෙත එම මිල දී ගන්නා ලද පුටු 16361 ක් නිවාස/ කාර්යාල වෙත ප්රවාහනය කරවා භාරදීමට සැලැස්වීම මඟින් රජයට පාඩු සිදු කිරීම තුළින් දුෂණ වරද සිදු කිරීමේ චෝදනාව මත ඔහුව අත්අඩංගුවට ගෙන ඇති බවයි වාර්තා වුණේ.
වාච්චි හැන්නැදිගේ දයාපාල යන සැකකරු අද (15) පෙරවරුවේ අත්අඩංගුවට ගැනුණු අතර, සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිතයි.
