සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර තුන්වන සහ අවසන් 20-20 තරගය කිංග්ස්ටන් හිදී මේ වනවිට ක්රියාත්මකයි.
තරගයේ කාසිය වාසිය හිමිකරගත් කොදෙව් නායකයා පළමුව පන්දුවට පහරදීමට ශ්රී ලංකාවට ආරාධනා කළා.
එම ආරාධනයෙන් පළමුව පන්දුවට පහර දුන් ශ්රී ලංකාව නියමිත පන්දුවාර 20 තුළ කඩුලු සියල්ල දැවීලකුණු 169ක් රැස් කිරීමට සමත් වුණා.
ශ්රී ලංකා ඉනිමේ වැඩිම ලකුණු ලාභියා වූ දුනිත් වෙල්ලාලගේ ලකුණු 43ක් රැස් කළා.
ඊට අමතරව කාමිල් මිෂාර ලකුණු 28ක් සහ වනිදු හසරංග ලකුණු 21ක් රැස් කිරීමට සමත් වුණා.
දුනිත් වෙල්ලාලගේ සමඟ එක්වූ වනිදු හසරංග කඩා වැටී තිබූ ශ්රී ලංකා ඉනිම ලකුණු 160 සීමාවට රැගෙන ගියා.
පන්දු යැවීමේ දී ෂමාර් ජෝසප් ශ්රී ලංකා ඉනිමේ කඩුලු 05ක් බිඳ දැමීමට සමත් වුණා.
ඒ, අනුව තරගය ජය ගැනීමට කොදෙව්වන්ට ලකුණු 170ක ඉලක්කයක් හිමිව තිබෙනවා.
තරග තුනකින් සමන්විත මෙම තරගාවලියේ පළමු තරග දෙක කණ්ඩායම් දෙකම ඒක් තරගය ජයගෙන තිබීම හේතුවෙන් තරගාවලියේ ජය වෙනුවෙන් මෙම තරගයේ ජය දෙපිළටම වැදගත් වනවා.
