දිවි පරදුවට තබා හෝ මෙවර පොසොන් උත්සවය පවත්වන බව මිහින්තලා රජමහා විහාරාධිපති පූජ්ය වලවා හැංගුනවැවේ ධම්මරතන හිමියන් පවසනවා.
අද (14) මාධ්ය හමුවක් පවත්වමින් මිහින්තලා රජමහා විහාරාධිපති හිමියන් මේ බව සඳහන් කළා.
මෙහිදී අදහස් දක්වමින් උන්වහන්සේ සඳහන් කළේ, රජය විසින් රාජ්ය පොසොන් උත්සවය පැවැත්වීමක් පිළිබඳව තමන්වහන්සේට මේ වනතෙක් දැනුම්වත් කර නොමැති බවත්, ඒ පිළිබඳව තොරතුරු තමන් වහන්සේ නොදන්නා බවයි.
එමෙන්ම පොසොන් උත්සවට වෙනුවෙන් රජය විසින් ලබාදෙන රුපියල් ලක්ෂ 50ක මුදල ප්රමාණවත් නොවන බව සඳහන් කළ උන්වහන්ස්සේ, මිහින්තලේ පොසොන් උත්සවය පැවැත්වීම වෙනුවෙන් ලංකාවාසීන් මෙන්ම ලෝකවාසී සියලු දෙනාගෙන් උදව් උපකාර ලබාදෙන ලෙසයි ඉල්ලා සිටියේ.
