රැඳවුම් නියෝග මත රඳවා සිටින සිටින හිටපු බුද්ධි ප්රධානි සුරේෂ් සලේට ලබාදෙන අමානුෂික වද හිංසා හේතුවෙන් ඔහු ආහාර ප්රතික්ෂේප කරමින් මාරාන්තික උපවාසයක් ආරම්භ කර ඇති බව පිවිතුරු හෙළ උරුමයේ නායක, හිටපු පාර්ලිමේන්තු මන්ත්රී උදය ගම්මන්පිල පවසනවා.
සුරේෂ් සලේ ජලය සහ ඖෂධ ලබා ගැනීම පවා ප්රතික්ෂේප කර ඇති බවත්, අද (06) උදෑසන ඔහුව හමුවීමට රහස් පොලිසිය වෙත ගිය ඔහුගේ සහෝදරයාට සහ පුත්රයාට මේ බව දැනුම් දී ඇති බවත් හිටපු පාර්ලිමේන්තු මන්ත්රී උදය ගම්මන්පිල සඳහන් කළා.
”සුරේෂ් සලේ බලන්න අද උදේ ඔහුගේ සහෝදරයයි, පුතයි රහස් පොලිසියට ගියා. ඒ අවස්ථාවේ ඔහු දැඩි කඩා වැටීමට ලක්වෙලා හිටියේ. ඔහුට ඊයේ රාත්රී කෑමට ලබා දීලා තියෙන්නේ බත් හැන්ඳක්, රාබු හොදි සමඟ පමණයි. පත්තර කොලයක් බිම එලලා, ඒකට තමයි බත් හැන්ඳයි රාබු හොදියි බෙදලා තියෙන්නේ. පත්තර කොලේ කෑමවලින් පෙඟිලා ඔහු කෑම එක අතට ගන්න යද්දී පත්තර කොලේ ඉරිලා කෑම ටික බිමට වැටිලා තියෙනවා. එතකොට ඔහුට කන්න වෙන්නේ බිම තියෙන කෑම, මෙයින් මානසිඋකව කඩා වැටුණු ඔහු රාත්රී ආහාර ගැනීම ප්රතික්ෂේප කරලා විතරක් නෙවෙයි, රහස් පොලිසිය විසින් සිදු කරන අමානුෂික වද හිංසා සහ අමානුෂික පහත් සැලකීමට විරෝධය පළ කරන්න ඊයේ රාත්රියේ සිට මරණය දක්වා මාරාන්තික උපවාසයක් කිරීමට එතුමා තීරණය කරලා තිබෙනවා.” යැයි හිටපු පාර්ලිමේන්තු මන්ත්රීවරයා වැඩිදුරටත් සඳහන් කළා.
wpDiscuz
