වැල්ලව පොලිස් වසමේ නිකදළුපොත ප්රදේශයේ නිවසක සිටි කාන්තාවකට තියුණු ආයුධයකින් පහර දී ඝාතනය කර තිබෙනවා.
පොලිසිය සඳහන් කළේ ඊයේ (30) අලුයම් කාලයේ මෙම අපරාධය සිදුව ඇති බවයි.
ඝාතනයෙන් පසුව ඝාතනය සිදුකළ බව කියන 40 හැවිරිදි වියේ පසුවූ පුද්ගලයා ද එම නිවසේම ගෙළ වැළලාගෙන මියගොස් ඇති බවයි පොලිසිය සඳහන් කළේ.
මෙලෙස ඝාතනයට ලක්වූ කාන්තාව අවුරුදු 49ක් වූ නිකදළුපොත ප්රදේශයේ පදිංචිකාරිනියක්.
ඝාතනයට ලක්වූ කාන්තාව සහ ඝාතනය සිදුකළ පුද්ගලයා අතර ඇති වූ බහින් බස්වීමක් දුරදිග යාම හේතුවෙන්, තියුණු ආයුධයකින් පහර දී මෙම ඝාතනය සිදුකර ඇති බවයි විමර්ශනවලදී අනාවරණය වී ඇත්තේ.
මේ අතර ඝාතනයට ලක්වූ කාන්තාව සහ ඝාතනය සිදුකිරීමෙන් පසු සියදිවි හානිකරගත් පුද්ගලයා අතර අනියම් සම්බන්ධයක් පැවති බවට තොරතුරු හෙළි වී ඇති බවයි වැල්ලව පොලිසිය සඳහන් කළේ.
වැල්ලව පොලිසිය විසින් වැඩිදුර විමර්ශන සිදුකරනු ලබනවා.
wpDiscuz
