හදිසියේ සිදුකළ විදුලිය විසන්දි කිරීම සම්බන්ධයෙන් විශේෂ නිවේදනයක්

අද (30) දිනයේ සිදුවූ විදුලි විසන්දි වීම සම්බන්ධයෙන් ජාතික පද්ධති ක්‍රියාකරු පුද්ගලික සමාගම විශේෂ නිවේදනයක් නිකුත් කර තිබෙනවා.

එම සමගම පවසන්නේ වෙසක් පොහොය සහ සති අන්ත දීර්ඝ නිවාඩුව හේතුවෙන් ජාතික විදුලි බල පද්ධතියේ විදුලි ඉල්ලුම පුරෝකථනය කල සීමාවට වඩා සීඝ්‍රයෙන් පහළ ගිය බවයි.

ඒ, අනුව සූර්ය පැනල මගින් ජනනය වන විදුලි ප්‍රමාණයද ඉතා ඉහළ අගයකට වැඩි වූ බවයි එම සමාගම සඳහන් කරන්නේ.

ඒ හේතුවෙන් ජාතික විදුලිබල පද්ධතියේ ස්ථායීතාවය සහ අඛණ්ඩ සැපයුම රැක ගැනීම වෙනුවෙන්, ශ්‍රී ලංකාවේ ප්‍රදේශ රැසක විදුලි ඉල්ලුමට වඩා සූර්ය විදුලි ජනනයක් සිදුවන විදුලි පෝෂක (33 kV feeders) විසන්ධි කිරීමට පියවර ගැනීමට සිදු වූ බවයි අදාළ නිවේදනය මඟින් දැනුම් දී ඇත්තේ.

මෙම තත්වය මග හරවා ගැනීම සදහා උදෑසන 8.00 සිට පස්වරු 3:00 දක්වා වහල මත සවි කරන ලද සූර්ය පැනල හිමිකරුවන් හට තම සූර්ය පැනල ක්‍රියාවිරහිත කරන මෙන් ජාතික පද්ධති ක්‍රියාකරු පුද්ගලික සමාගම විසින් ඉල්ලා සිටි බවත්, ජාතික විදුලිබල පද්ධතිය ක්‍රමක්‍රමයෙන් ස්ථාවර වන පරිදි සියළු ප්‍රදේශ වල විදුලි සැපයුම සවස 3:00 පමණ වන විට යථා තත්වයට පත් කිරීමට කටයුතු කරන බව දන්වා සිටිනවා.