මඩකලපුව නගරයේ ලැඟුම්හලක ඇති වූ ගින්නකින් දරුවන් දෙදෙනෙක් මියයාමේ සිද්ධිය සම්බන්ධයෙන් එම දරුවන්ගේ පියා අත්අඩංගුවට ගෙන තිබෙනවා.
සැකකාර පියාගෙන් සිදුකළ ප්රශ්න කිරීමේ දී ඔහු පැවසූ පරස්පර කරුණු හේතුවෙන් ඔහුව මෙලෙස අත්අඩංගුවට ගැනීමටයි කටයුතු කර ඇත්තේ.
මෙලෙස අත්අඩංගුවට ගැනුණු සැකකරු මියගිය දරුවන් දෙදෙනාගේ මවට පිළිකාවක් වැළඳී ඇති බව පවසමින්, ව්යාජ හැඳුනුම්පතක් භාවිත කරමින් දරුවන් ලවා සිඟමන් යැදීමේ ජාවාරමක නිරත වී ඇති බව පරීක්ෂණවල දී අනාවරණය වී ඇති බවයි පොලිසිය සඳහන් කළේ.
සිය බිරිඳට පිළිකාවක් වැළඳී ඇති බව පවසමින් ප්රදේශ කිහිපයකදීම සැකකරු සිඟමන් යැදීමේ නිරත වී ඇති අනාවරණය වී ඇත්තේ.
මේ අතර බිරිඳ පිළිකා රෝගයට ප්රතිකාර ලබන බව පැවසූ කරුණ ද අසත්යයක් බවත්, ඔහුගේ බිරිඳ වෙනත් ප්රදේශයක නිවසේ පසුවන බවත් මූලික පරීක්ෂණවල දී හෙළි වී ඇති බවයි පොලිසිය සඳහන් කළේ.
මඩකලපුව රෝහලේ පිළිකා රෝගයට ප්රතිකාර ලබන මව බැලීම සඳහා පියා සමඟ මෙම දරුවන් දෙදෙනෙක් බදුල්ලේ සිට මඩකලපුව නගරයට පසුගිය දා පැමිණ තිබුණා.
එහිදී ඔවුන් ලැඟුම්හලක නැවතී සිටියදී, එම ලැඟුම්හලේ ඇති වූ ගින්නකින් පසු දුමාරය ආග්රහණයවීම හේතුවෙන් අවුරදු 03 පිරිමි දරුවෙක් සහ පස් හැවිරිදි ගැහැණු දරුවෙක් ජීවිතක්ෂයට පත් වුණා.
මෙම සිදුවීම සම්බන්ධයෙන් සිදුකරන විමර්ශනවලදීයි ඉහත තොරතුරු අනාවරණය වී ඇත්තේ.
