”දක්ෂිණා ප්‍රභා” ජාතික වෙසක් උත්සවය ජනපති ප්‍රධානත්වයෙන් අද

ශ්‍රී බුද්ධ වර්ෂ 2570 ජාතික වෙසක් උත්සවය ජනාධිපති අනුර කුමාර දිසානායකගේ ප්‍රධානත්වයෙන් අද (27) දින මාතර – තිහගොඩ මිදෙල්ලවල පුරාණ මහා විහාරස්ථානයේ දී පැවැත්වෙනවා.

“දක්ෂිණා ප්‍රභා” ලෙස නම්කර ඇති මෙවර ජාතික වෙසක් උත්සවයට සමගාමීව අද (27) දින සිට වෙසක් සතියක් ක්‍රියාත්මක කෙරෙන අතර එම කාලය තුළ “සෞඛ්‍ය සම්පන්න ජීවිතයක්” තේමාව යටතේ සෞඛ්‍ය වැඩසටහන්, සාරධර්ම ප්‍රවර්ධන වැඩසටහන්, පොහෝ දින වැඩසටහන්, භික්ෂු හා සිල්මාතා පුහුණු වැඩසටහන්, ආධ්‍යාත්මික සංවර්ධන වැඩසටහන්, Clean Sri Lanka වැඩසටහනට සමගාමීව පරිසර සංරක්ෂණ වැඩසටහන් ඇතුළු වැඩසටහන් රැසක් ක්‍රියාවට නැංවීමට නියමිතයි.

එමෙන්ම භෞතික සංවර්ධන වැඩසටහන් අතර දුෂ්කර විහාරස්ථාන සංවර්ධනය, පුණ්‍ය ග්‍රාම වැඩසටහන, විහාරස්ථානවල සනීපාරක්ෂක පහසුකම් වැඩිදියුණු කිරීම, දහම් පාසල් පහසුකම් සංවර්ධනය කිරීම සිදුකෙරෙනවා.