මේ වන විට අප රට සතුව ඩොලර් බිලියන 7ක විදෙස් සංචිත පවතින බවත් ඊට ගැලපෙන ආනයනික වටිනාකම් ලෙස සෑම මසකම ඇ. ඩොලර් බි. 2ක් කැපකරන බවත්. මෙම සංචිතවලින් භාවිත කළ හැකි ප්රමාණය අවබෝධකර ගැනීම සිදු කළ යුතු බවත් විපක්ෂ නායකවරයා සඳහන් කළා.
එමෙන්ම එම සංචිත අතර ඩොලර් බි. 1.2ක් භාවිත කළ නොහැකි චින යුආන් ද පවතින බවයි විපක්ෂ නායකවරයා පෙන්වා දුන්නේ.
අඛණ්ඩව තෙල් මිල ඉහළ ගියහොත් වුවහොත් ආවරණය කළ හැකි ප්රමාණය අඩුවන බවට පෙන්වා දුන් විපක්ෂ නායකවරයා, ඊට අමතරව 2027 මාර්තු මාසයේ දී IMF ගිවිසුම අවසන් වන බවත් 2028 සිට ආනයනවලට කැපකරන මුදලට අමතරව වාර්ෂිකව ඇ. ඩො. බි. 3ත් 3.5ක ප්රමාණයක් ණය ගෙවන්න සිදුවන බවත් මැදපෙරදිග යුද්ධය දිගින් දිගටම පැවතීම නිසා මැදපෙරදිග ආර්ථිකය කඩා වැටුනහොත් අප රටට ලැබෙන ප්රේෂණ අඩුවන බවත් මේ නිසා අපනයන දියුණු වී සෘජු විදේශ ආයෝජන ආකර්ෂණය කර ගත යුතු බවත් මේවා ගැන පුරවැසියන් දැනුවත් විය යුතු බවත් විපක්ෂ නායකවරයා සඳහන් කළා
මේ අභියෝගාත්මක අවස්ථාවේ ලක්ෂ 220 ජනතා ආරක්ෂා කිරීම ජන ජීවිතය සුරක්ෂිත කිරීම ගැන අවධානය යොමු කළ යුතු බවත් මේ වන විට දුප්පත්කම පවා වැඩි වී ඇති නිසා නව වැඩපිළිවෙළක් තුළ කටයුතු කළ යුතු බවත් විපක්ෂ නායකවරයා වැඩිදුරටත් කියා සිටියා.
