තමන් ශ්රී ලංකා ක්රිකට් තේරීම් කමිටු සභාපති ධුරයෙන් ඉවත් කිරීමට තීරණය කර ඇති බවට වාර්තා වන පුවත් සම්බන්ධයෙන් ශ්රී ලංකා ක්රිකට් තේරීම් කමිටු සභාපති ප්රමෝද්ය වික්රමසිංහ ක්රීඩා අමාත්යවරයා වෙත ලිපියක් යොමුකර තිබෙනවා.
අදාළ ලිපිය මඟින් ඔහු පෙන්වා දී ඇත්තේ, තමන් වසර දෙකක ස්ථාවර කාලයක් සඳහා 2025 දෙසැම්බර් මාසයේ දී ක්රිකට් තේරීම් කමිටු සභාපතිවරයා ලෙස තමන් පත් කර ඇති බවයි.
තම කොන්ත්රාත් කාලය අවසන් කිරීමට සහ ශ්රී ලංකා ක්රිකට් තේරීම් කමිටුව ප්රතිව්යුහගත කිරීමට අමාත්යාංශය සහ ක්රිකට් ආයතනය තීරණය කර ඇති බවට තමන්ට වාචිකව දැනුම් දී ඇති බවයි ඔහු අදාළ ලිපිය මඟින් දන්වා ඇත්තේ.
අදාළ තීරණය පිළිබඳව නිසි පරිපාලනමය ක්රියාපටිපාටියක් අනුගමනය කරමින්, තමන්ට ඒ පිළිබඳව නිල වශයෙන් ලිඛිත දැනුම්දීමක් සහ එම තීරණය ගැනීමට හේතු වූ කරුණු පැහැදිලි කරන ලෙසත් ඔහු ක්රීඩා අමාත්යවරයාගෙන් එම ලිපිය මඟින් ඉල්ලා සිටිනවා.
wpDiscuz
