පරිගගණක අපරාධ සිදුකළ බවට සැකපිට විදේශ ජාතික පුද්ගලයින් 88 දෙනෙකු මිදිගම සහ දොඩන්දූව ප්රදේශවල දී අත්අඩංගුවට ගත් බව පොලිසිය පවසනවා.
මිදිගම පොලිස් වසමේ පිංවත්ත ප්රදේශයේ සංචාරක හෝටලයක් තුළ පොලිසිය විසින් වැටලීමක් සිදුකර එහි ලැගුම්ගෙන සිටි ඉන්දීය ජාතිකයින් 28 දෙනෙකු හා නේපාල ජාතිකයින් 05 දෙනෙකු අත්අඩංගුවට ගෙන තිබෙනවා.
ඊයේ (11) රාත්රියේ සිදුකළ මෙම වැටලීමෙන් දී අත්අඩංගුවට ගැනුණු විදෙස් ජාතිකයින් අවුරුදු 25 ත් 35 අතර වයස්වල පසුවන්නන් බවයි වාර්තා වන්නේ.
මොවුන් වීසා නොමැතිව මෙරට රැඳී සිටීම, සංචාරක වීසා මත පැමිණ රැකියාවල යෙදීම, තීරුබදු රහිතව ගෙන්වන ලද සිගරට් සන්තකයේ තබාගැනීම හා පරිගණක අපරාධ පනතේ ගැනෙන අපරාධයන් සිදු කිරීම යන වැරදි සම්බන්ධයෙන් සැකපිට අත්අඩංගුවට ගත බවයි පොලිසිය පැවසුවේ.
මේ අතර හික්කඩුව පොලිස් වසමේ දොඩන්දූව ප්රදේශයේ නවාතැන්පලක් තුළ රැඳී සිටි ඉන්දීය ජාතිකයින් 35 දෙනෙක්, නේපාල ජාතිකයින් 20 දෙනෙකු සහ ඔවුන්ට නවාතැන් පහසුකම් ලබාදුන් හෝටල් හිමිකරු පොලිසිය විසින් අත්අඩංගුවට ගැනීමට කටයුතු කර තිබෙනවා.
එහිදී පරිගණක යන්ත්ර 25ක්, ජංගම දුරකථන 119ක්, මුදල් රුපියල් 750,000ක්, කාර් රථයක් හා ජීප් රථයක් ද පොලිස් භාරයට ගෙන ඇති බවයි වාර්තා වුණේ.
අත්අඩංගුවට ගැනුණු විදෙස් සැකකරුවන් අවුරුදු 20ත් 48ත් අතර වයස්වල පසුවන්නන් වන අතර ලැගුම්හල් හිමිකරු වයස අවුරුදු 43 ක් වන දොඩම්දූව ප්රදේශයේ පදිංචිකරුවෙක්.
හික්කඩුව පොලිසිය මගින් මේ සම්බන්ධයෙන් වැඩිදුර විමර්ශන සිදුකරනු ලබනවා.
