2011 අංක 42 දරන මුදල් ව්යාපාර පනත බලාත්මක වීමෙන් අනතුරුව, මේ වන විට වසර 15 ක් පමණ ගත වී ඇති අතර, එම කාලය තුළ දේශීය සහ ගෝලීය මූල්ය පසුබිම තුළ සැලකිය යුතු වෙනස්කම් සිදුව ඇති බව කැබිනට් මාධ්ය ප්රකාශක අමාත්ය නලින්ද ජයතිස්ස පවසනවා.
එබැවින්, මුදල් සමාගම් අංශය පාලනය කරන නියාමන රාමුව සමාලෝචනය කිරීමේ සහ ශක්තිමත් කිරීමේ අවශ්යතාව පැන නැගී ඇති බවයි අමාත්යවරයා පෙන්වා දෙන්නේ.
විශේෂයෙන්ම බලපත්ර ලබා දීම, අධීක්ෂණය, නිරාකරණය, ආයතනික යහපාලනය, තැන්පත්කරුවන් රැක ගැනීම සහ අනවසර තැන්පතු භාර ගැනීමට එරෙහිව බලගැන්වීම යන කරුණුවලට අදාල පනතේ විධි විධාන සංශෝධනය කළ යුතු බව හඳුනා ගෙන තිබෙනවා.
ඒ අනුව, 2011 අංක 42 දරන මුදල් ව්යාපාර පනත සංශෝධනය කිරීමට හැකි වන පරිදි පනත් කෙටුම්පතක් සකස් කරන ලෙස නීති කෙටුම්පත් සම්පාදක වෙත උපදෙස් දීම පිණිස මුදල්, ක්රම සම්පාදන සහ ආර්ථික සංවර්ධන අමාත්යවරයා වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කළ බව කැබිනට් මාධ්ය ප්රකාශක නලින්ද ජයතිස්ස සඳහන් කළා.
